📄 ePaper
5pm
7pm
Tuesday, November 17, 2026
📄 ePaper
5pm epaper
7pm epaper
Homeతెలంగాణసీసీ కెమెరాల సాయంతో డిక్కీ దొంగతనం కేసు ఛేదన - రూ. 4,62,590 స్వాధీనం

సీసీ కెమెరాల సాయంతో డిక్కీ దొంగతనం కేసు ఛేదన – రూ. 4,62,590 స్వాధీనం

📰 Generate e-Paper Clip

సీసీ కెమెరాల సాయంతో డిక్కీ దొంగతనం కేసు ఛేదన – రూ. 4,62,590 స్వాధీనం

జగ్గయ్యపేట పోలీసులకు ప్రశంసలు – అంతర్రాష్ట్ర దొంగ అరెస్ట్, మరొకడు పరారీ

జగ్గయ్యపేట, నవంబర్ 16 మన ప్రజావాణి

జగ్గయ్యపేట సర్కిల్ కార్యాలయం, ఎన్.టి.ఆర్. పోలీస్ కమీషనరేట్ పరిధిలో సీసీ కెమెరాల సాయంతో డిక్కీ దొంగతనం కేసును జగ్గయ్యపేట పోలీసులు ఛేదించారు. అంతర్రాష్ట్ర నిందితుడి వద్ద నుండి పూర్తి చోరీ సొత్తు రూ. 4,62,590/- స్వాధీనం చేసుకున్నారు.

గత నెల అక్టోబర్ 30వ తేదీన జగ్గయ్యపేటలోని చిల్లకల్లు రోడ్డులో డిక్కీ అఫెన్స్ సంఘటన జరిగింది. బాధితుడు తన స్కూటర్ సీటు కింద ఉంచిన రూ. 4,62,590/- నగదును ఇద్దరు గుర్తుతెలియని వ్యక్తులు అపహరించుకుపోయారని ఇచ్చిన ఫిర్యాదు మేరకు జగ్గయ్యపేట ఎస్.ఐ. కేసు నమోదు చేశారు. జగ్గయ్యపేట సర్కిల్ ఇన్‌స్పెక్టర్ పి.వెంకటేశ్వర్లు ప్రత్యేక బృందాలను ఏర్పాటు చేసి సాంకేతిక ఆధారంగా దర్యాప్తు ప్రారంభించారు.

ఈ క్రమంలో సాంకేతిక పరిజ్ఞానం మరియు ఘటనా స్థలంలోని సీసీ కెమెరాల ఫుటేజీ ఆధారంగా దర్యాప్తును వేగవంతం చేశారు. నిందితులను గుర్తించి వారి కదలికలపై పటిష్టమైన నిఘా ఏర్పాటు చేశారు. ఇన్‌స్పెక్టర్‌కు రాబడిన పక్కా సమాచారం మేరకు నిందితులలో ఒకరిని అదుపులోకి తీసుకుని అరెస్ట్ చేశారు. అతని వద్ద నుండి చోరీ కాబడిన పూర్తి సొత్తు మొత్తం రూ. 4,62,590/- నగదును స్వాధీనం చేసుకున్నారు.

నిందితుడి వివరాలు: మేకల ప్రకాష్, తండ్రి: నారాయణ, వయస్సు: 37 సంవత్సరాలు, ఊటై గ్రామం, కొత్తగూడెం మండలం, మహబూబాబాద్ జిల్లా, తెలంగాణ.

పరారీలో ఉన్న మరో నిందితుడు మేకల రాజేష్, తండ్రి: ప్రభు, ఊటై గ్రామం, కొత్తగూడెం మండలం, మహబూబాబాద్ జిల్లా, తెలంగాణ. ఇతని కోసం ప్రత్యేక బృందాలు గాలిస్తున్నాయి.

ఈ నిందితులు మహారాష్ట్రలో కూడా ఇదే తరహా నేరాలు చేసి, పలుమార్లు జైలుకెళ్లి శిక్ష అనుభవించినట్లు విచారణలో తేలింది.

భారీ మొత్తంలో నగదును తీసుకెళ్లేటప్పుడు తగిన జాగ్రత్తలు తీసుకోవాలని, వ్యాపార సంస్థలు, బ్యాంకుల వద్ద సీసీ కెమెరాలు నిరంతరం పనిచేసేలా చూసుకోవాలని పోలీసులు ప్రజలకు సూచించారు.

ఈ కేసును అత్యంత వేగంగా ఛేదించి, వంద శాతం సొత్తును రికవరీ చేయడంలో కీలక పాత్ర పోషించిన ఇన్‌స్పెక్టర్ పి.వెంకటేశ్వర్లు, జి.రాజు, ఎస్.ఐ., జగ్గయ్యపేట మరియు ఎమ్.ఎస్.కె.అర్జున్, ఎస్.ఐ., పెనుగంచిప్రోలు మరియు వారి సిబ్బందిని పోలీస్ ఉన్నతాధికారులు ప్రత్యేకంగా అభినందించారు.

RELATED ARTICLES
- Advertisment -

Most Popular

App Icon

Install PRAJAVAANI App

Add to home screen for faster loading and latest updates.