📄 ePaper
5pm
7pm
Sunday, November 22, 2026
📄 ePaper
5pm epaper
7pm epaper
Homeతెలంగాణమిర్యాలగూడను తక్షణమే జిల్లాగా ప్రకటించాలి: టీడీపీ, ఫార్వర్డ్ బ్లాక్ నేతలు

మిర్యాలగూడను తక్షణమే జిల్లాగా ప్రకటించాలి: టీడీపీ, ఫార్వర్డ్ బ్లాక్ నేతలు

📰 Generate e-Paper Clip

​ మిర్యాలగూడను తక్షణమే జిల్లాగా ప్రకటించాలి: టీడీపీ, ఫార్వర్డ్ బ్లాక్ నేతలు

ప్రజావాణి మిర్యాలగూడ నియోజకవర్గం నవంబర్ 22

​
​ -మిర్యాలగూడ జిల్లా ఏర్పాటుపై ప్రభుత్వం స్పందించాలి: కాసుల సత్యం, పరంగి రాము
​

​మిర్యాలగూడ,
మిర్యాలగూడ ప్రాంత ప్రజల చిరకాల కోరిక మేరకు మిర్యాలగూడను తక్షణమే నూతన జిల్లాగా ఏర్పాటు చేయాలని తెలుగుదేశం పార్టీ (టీడీపీ) రాష్ట్ర కార్యదర్శి కాసుల సత్యం, ఫార్వర్డ్ బ్లాక్ పార్టీ రాష్ట్ర కార్యవర్గ సభ్యులు పరంగి రాము ప్రభుత్వాన్ని డిమాండ్ చేశారు. ఆదివారం మిర్యాలగూడలో ఏర్పాటు చేసిన విలేకరుల సమావేశంలో వారు మాట్లాడారు.
​పదేళ్లుగా ఉద్యమిస్తున్నా స్పందన కరువు:
మిర్యాలగూడ జిల్లా సాధన కోసం 2016 నుండి ‘జిల్లా సాధన సమితి’ ఆధ్వర్యంలో ఎన్నో ఉద్యమాలు, పోరాటాలు జరుగుతున్నాయని వారు గుర్తు చేశారు. ఇంతకాలం ప్రజలు ఆందోళనలు చేస్తున్నా ప్రభుత్వాలు స్పందించకపోవడం అత్యంత విచారకరమని ఆవేదన వ్యక్తం చేశారు. ప్రజల ఆకాంక్షలను, ఉద్యమకారుల డిమాండ్లను గౌరవిస్తూ ప్రస్తుత పాలక ప్రభుత్వం తక్షణమే మిర్యాలగూడ జిల్లా ఏర్పాటుకు ఆమోదం తెలపాలని కోరారు.
​ప్రజాప్రతినిధులు చొరవ చూపాలి:
మిర్యాలగూడ జిల్లా ఏర్పాటు విషయంలో సీనియర్ నాయకులు కుందూరు జానారెడ్డి చొరవ తీసుకుని ప్రభుత్వాన్ని ఒప్పించాలని వారు విజ్ఞప్తి చేశారు. అలాగే నల్గొండ ఎంపీ, నాగార్జునసాగర్ మరియు మిర్యాలగూడ ఎమ్మెల్యేలు ప్రభుత్వంపై ఒత్తిడి తెచ్చి, జిల్లా ఏర్పాటు కల సాకారమయ్యేలా కృషి చేయాలని కోరారు. ప్రభుత్వం సానుకూలంగా స్పందించని పక్షంలో, జిల్లా సాధన సమితి చేపట్టే ఉద్యమానికి తమ పార్టీల తరపున సంపూర్ణ మద్దతు తెలిపి, ప్రత్యక్ష పోరాటంలో పాల్గొంటామని వారు హెచ్చరించారు.
​పాల్గొన్న నాయకులు:
ఈ విలేకరుల సమావేశంలో జిల్లా సాధన సమితి నాయకులు మాలోతు దశరథ నాయక్, రాపోలు పరమేష్, దాసరాజు జయరాజు, జోసెఫ్, మంద శ్రీను, మహిమూద్ తదితరులు పాల్గొన్నారు.

RELATED ARTICLES
- Advertisment -

Most Popular

App Icon

Install PRAJAVAANI App

Add to home screen for faster loading and latest updates.