రాష్ట్రస్థాయి బాక్సింగ్ పోటీలకు ఎంపిక కావడం హర్షణీయం!
విద్యార్థుల ప్రతిభపై 66వ డివిజన్ కాంగ్రెస్ పార్టీ అధ్యక్షుడు గొర్రె కిరణ్ కుమార్ హర్షం
హసన్‌పర్తి, మన ప్రజావాణి న్యూస్:
హసన్‌పర్తి జెడ్పీఎస్ఎస్ పాఠశాలకు చెందిన విద్యార్థులు రాష్ట్రస్థాయి బాక్సింగ్ పోటీలకు ఎంపిక కావడం ఎంతో గర్వకారణమని 66వ డివిజన్ కాంగ్రెస్ పార్టీ అధ్యక్షుడు గొర్రె కిరణ్ కుమార్ అన్నారు. ఇటీవల నిర్వహించిన 70వ రాష్ట్రస్థాయి అండర్‌-17 ఎస్‌జీఎఫ్ ఉమ్మడి వరంగల్ జిల్లా స్థాయి బాలబాలికల బాక్సింగ్ పోటీల్లో అత్యంత ప్రతిభ కనబరిచి రాష్ట్రస్థాయి పోటీలకు ఎంపికైన క్రీడాకారులను ఆయన అభినందించారు.
హైదరాబాద్‌లోని బోడుప్పల్‌లో జరగనున్న రాష్ట్రస్థాయి బాక్సింగ్ పోటీలకు ఎంపిక కావడం విద్యార్థుల కృషికి, పట్టుదలకు నిదర్శనమని పేర్కొన్నారు. చదువుతో పాటు క్రీడల్లోనూ విద్యార్థులు రాణించడం అభినందనీయమన్నారు. క్రీడలు శారీరక దృఢత్వంతో పాటు క్రమశిక్షణ, ఆత్మవిశ్వాసాన్ని పెంపొందిస్తాయని తెలిపారు.
రాష్ట్రస్థాయి పోటీల్లోనూ విద్యార్థులు ఉత్తమ ప్రతిభ కనబరిచి విజయాలు సాధించి హసన్‌పర్తి ప్రాంతానికి, తమ విద్యాసంస్థలకు మంచి పేరు తీసుకురావాలని గొర్రె కిరణ్ కుమార్ ఆకాంక్షించారు.
రాష్ట్రస్థాయి పోటీలకు ఎంపికైన క్రీడాకారులు
– ఎస్. తనుశ్రీ — ఎస్.ఆర్. కళాశాల
– ఎస్. లాస్య — మాంటిస్సోరి విద్యాసంస్థ
విద్యార్థుల విజయంపై ఉపాధ్యాయులు, తల్లిదండ్రులు, స్థానికులు హర్షం వ్యక్తం చేస్తూ అభినందనలు తెలిపారు.
