*పూడూర్–కిష్టాపూర్ డివిజన్ ఎస్సీ సెల్ అధ్యక్షుడిగా తొంట యాదయ్య
*
*పార్టీ బలోపేతానికి కృషి చేస్తా.. ఎస్సీ వర్గాల సమస్యల పరిష్కారానికి ప్రాధాన్యం: తొంట యాదయ్య*
*నియామక పత్రం అందజేసిన జిల్లా కాంగ్రెస్ అధ్యక్షుడు తోటకూర వజ్రేష్ యాదవ్*
మేడ్చల్, నేడు న్యూస్: పూడూర్–కిష్టాపూర్ డివిజన్ కాంగ్రెస్ పార్టీ ఎస్సీ సెల్ అధ్యక్షుడిగా తొంట యాదయ్య నియమితులయ్యారు. బుధవారం మేడ్చల్లో కాంగ్రెస్ పార్టీ జిల్లా అధ్యక్షుడు తోటకూర వజ్రేష్ యాదవ్ చేతుల మీదుగా ఆయన నియామక పత్రాన్ని అందజేశారు. పార్టీ అధిష్ఠానం తనపై నమ్మకం ఉంచి కీలక బాధ్యతలు అప్పగించడం పట్ల తొంట యాదయ్య హర్షం వ్యక్తం చేశారు.
ఈ సందర్భంగా తొంట యాదయ్య మాట్లాడుతూ కాంగ్రెస్ పార్టీ నాయకత్వం తనపై ఉంచిన నమ్మకాన్ని నిలబెట్టుకునేలా పనిచేస్తానని తెలిపారు. పూడూర్–కిష్టాపూర్ డివిజన్ పరిధిలో కాంగ్రెస్ పార్టీని మరింత బలోపేతం చేసేందుకు నాయకులు, కార్యకర్తలతో సమన్వయంతో ముందుకు సాగుతానన్నారు. పార్టీ కార్యక్రమాలను ప్రజల్లోకి విస్తృతంగా తీసుకెళ్లడంతో పాటు, పార్టీ సిద్ధాంతాలు, విధానాలను ప్రజలకు వివరించేందుకు కృషి చేస్తానని పేర్కొన్నారు.
ప్రత్యేకంగా డివిజన్ పరిధిలోని ఎస్సీ వర్గాల సమస్యలను తెలుసుకుని వాటిని పార్టీ నాయకుల దృష్టికి తీసుకెళ్లి పరిష్కారానికి కృషి చేస్తానని తొంట యాదయ్య తెలిపారు. అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా ప్రజలకు అవగాహన కల్పించేందుకు కృషి చేస్తానన్నారు. ఎస్సీ వర్గాల అభివృద్ధి, సామాజిక న్యాయం కోసం పార్టీ వేదికగా తనవంతు పాత్ర పోషిస్తానని చెప్పారు.
కాంగ్రెస్ పార్టీ చేపట్టే కార్యక్రమాల్లో కార్యకర్తలతో కలిసి చురుకుగా పాల్గొని వాటిని విజయవంతం చేస్తానని తెలిపారు. తన నియామకానికి సహకరించిన పార్టీ జిల్లా అధ్యక్షుడు తోటకూర వజ్రేష్ యాదవ్, పార్టీ నాయకులు, కార్యకర్తలకు తొంట యాదయ్య కృతజ్ఞతలు తెలిపారు. కొత్త బాధ్యతలను సమర్థవంతంగా నిర్వహిస్తూ పార్టీకి అంకితభావంతో పనిచేస్తానని ఆయన స్పష్టం చేశారు.
