పోరుమామిళ్లలో అక్టోబర్ 23 ప్రజావాణి ఎంపీటీసీ, ఎంపీపీ ఎన్నికల వేళ తీవ్ర ఉద్రిక్తత చోటుచేసుకుంది. వైఎస్సార్ కాంగ్రెస్ పార్టీ, తెలుగుదేశం పార్టీ శ్రేణుల మధ్య ఘర్షణ వాతావరణం నెలకొనగా,బద్వేల్ ఆర్డీవో చంద్రమోహన్ ఆధ్వర్యంలో రెవెన్యూ అధికారులు రంగంలోకి దిగి పరిస్థితిని తనిఖీ చేసి సర్దుబాటు చేశారు. రాజకీయ వేడి మండల పరిషత్ కార్యాలయంలో ఎంపీటీసీ,ఎంపీపీ ఎన్నికల ప్రక్రియ ప్రారంభమైన సమయం నుంచే వాతావరణం ఉద్రిక్తంగా మారింది.స్థానిక సంస్థల ఎన్నికల్లో పట్టు సాధించేందుకు ఇరు పార్టీలు ప్రతిష్ఠాత్మకంగా తీసుకోవడంతో,ఉదయం నుంచే భారీ సంఖ్యలో వైసిపి, టిడిపి నాయకులు,కార్యకర్తలు ఎంపీడీవో కార్యాలయ పరిసరాలకు చేరుకున్నారు.మొదట చిన్నపాటి వాగ్వాదంతో మొదలైన వివాదం,క్షణాల వ్యవధిలో ఇరు వర్గాల మధ్య తీవ్ర తోపులాటగా మారింది. పరస్పర నినాదాలతో కార్యాలయ ప్రాంగణం రణరంగాన్ని తలపించింది. అక్కడ మోహరించిన స్థానిక పోలీసులు పరిస్థితిని అదుపు చేయడానికి ప్రయత్నించినప్పటికీ, నాయకులు, కార్యకర్తల సంఖ్య ఎక్కువగా ఉండటంతో ఉద్రిక్తత మరింత పెరిగింది.ఎన్నికల ప్రక్రియకు తీవ్ర ఆటంకం కలిగే పరిస్థితి ఏర్పడింది.
రెవెన్యూ బృందంతో రంగంలోకి బద్వేల్ ఆర్డీవో
పోరుమామిళ్ల మండల కేంద్రంలో వైసిపి – టిడిపి శ్రేణులు ఘర్షణకు దిగాయన్న పక్కా సమాచారం అందిన వెంటనే బద్వేల్ రెవెన్యూ డివిజనల్ అధికారి చంద్రమోహన్ తీవ్రంగా స్పందించారు. పరిస్థితి చేజారకముందే తన అధికారిక బృందంతో కలిసి ఆయన వెంటనే పోరుమామిళ్ల ఎంపీడీవో కార్యాలయానికి చేరుకున్నారు.ఈ తనిఖీ మరియు సర్దుబాటు కార్యక్రమంలో పోరుమామిళ్ల మండల తహసీల్దార్ కర్నాటి విజయ్ కుమార్, మండల రెవెన్యూ ఇన్స్పెక్టర్ సుధాకర్ రెడ్డి కూడా స్వయంగా పాల్గొన్నారు. ఆర్డీవో చంద్రమోహన్ నేతృత్వంలోని ఈ అధికారుల బృందం నేరుగా ఘటనా స్థలానికి వెళ్లి,ఎన్నికల కేంద్రం లోపల,బయట ఉన్న భద్రతా ఏర్పాట్లను క్షుణ్ణంగా పరిశీలించింది.
అధికారుల హెచ్చరిక – సద్దుమణిగిన వివాదం
ఎన్నికల నియమావళిని ఉల్లంఘిస్తూ అల్లర్లకు కారణమవుతున్న ఇరు పార్టీల ముఖ్య నేతలను మరియు ప్రతినిధులను ఆర్డీవో చంద్రమోహన్,తహసీల్దార్ కర్నాటి విజయ్ కుమార్ పిలిపించి గట్టిగా హెచ్చరించారు. చట్టాన్ని ఉల్లంఘిస్తే ఎలాంటి రాజకీయ పక్షపాతం లేకుండా కఠిన చర్యలు ఉంటాయని స్పష్టం చేశారు.శాంతిభద్రతలకు విఘాతం కలిగిస్తే ఊపేక్షించేది లేదని అధికారులు తేల్చి చెప్పారు.అధికారుల సకాలంలో స్పందించి ఇరువర్గాలతో మాట్లాడటంతో ఘర్షణ వాతావరణం సద్దుమణిగింది. ఆర్డీవో ఆదేశాల మేరకు పోలీసులు ఎంపీడీవో కార్యాలయం చుట్టుపక్కల భద్రతను మరింత కట్టుదిట్టం చేశారు.అనవసరంగా గుమిగూడిన కార్యకర్తలను అక్కడి నుంచి చెదరగొట్టారు.రెవెన్యూ అధికారుల సమయస్ఫూర్తి వల్ల ఒక పెద్ద రాజకీయ ఘర్షణ తప్పిందని,ప్రస్తుతం పోరుమామిళ్లలో ఎన్నికల ప్రక్రియ ప్రశాంతంగా సాగుతోందని స్థానిక యంత్రాంగం ప్రకటించింది.ఘటన జరిగిన ప్రాంతం ఎంపీడీవో కార్యాలయం,పోరుమామిళ్ల మండలం, కడప జిల్లా ఘర్షణ పడిన వర్గాలు తెలుగుదేశం పార్టీ వైఎస్సార్ కాంగ్రెస్ పార్టీ నేతృత్వం వహించిన అధికారి బద్వేల్ ఆర్డీవో చంద్రమోహన్పా ల్గొన్న ఇతర అధికారులు పోరుమామిళ్ల తహసీల్దార్ కర్నాటి విజయ్ కుమార్,ఆర్ఐ సుధాకర్ రెడ్డి,తీసుకున్న చర్యలు కార్యాలయ తనిఖీ, ఇరువర్గాల హెచ్చరింపు,భద్రత పెంపు, సర్దుబాటుచేశారు,
