*విజయదశమి వేడుకల్లో పాల్గొన్న గుఱ్ఱపు మచ్చేందర్*
*ప్రజా వాణి న్యూస్ అక్టోబర్ 21 సంగారెడ్డి జిల్లా*
తెలంగాణ సంస్కృతి, సంప్రదాయాలకు ప్రతీకగా నిలిచే అలయ్-బలయ్ వేడుకల్లో జీఎంఆర్ ఫౌండేషన్ చైర్మన్, బీఆర్ఎస్ నాయకుడు గుఱ్ఱపు మచ్చేందర్ పాల్గొన్నారు. విజయదశమి పర్వదినాన్ని పురస్కరించుకుని నారాయణఖేడ్ నియోజకవర్గంలోని వివిధ గ్రామాల ప్రజలతో కలిసి పండుగ సంబరాల్లో పాల్గొని, ప్రజలకు దసరా శుభాకాంక్షలు తెలిపారు.
ఈ సందర్భంగా నిర్వహించిన అలయ్-బలయ్ వేడుకలు ప్రజల మధ్య ఆప్యాయత, సోదరభావం, ఐకమత్యాన్ని చాటిచెప్పాయి. వివిధ గ్రామాల నుంచి ప్రజలు పెద్ద సంఖ్యలో పాల్గొనడంతో పండుగ వాతావరణం నెలకొంది. గుఱ్ఱపు మచ్చేందర్ ప్రజలతో మమేకమై వారిని ఆప్యాయంగా పలకరిస్తూ పండుగ ఆనందాన్ని పంచుకున్నారు.
ఈ సందర్భంగా ఆయన మాట్లాడుతూ.. విజయదశమి పండుగ ప్రతి ఒక్కరి జీవితాల్లో సుఖసంతోషాలు, కొత్త ఆశలు నింపాలని ఆకాంక్షించారు. ప్రతి కుటుంబం ఆయురారోగ్యాలతో, సుఖసంతోషాలతో వర్ధిల్లాలని, నారాయణఖేడ్ నియోజకవర్గ ప్రజలందరూ ప్రేమాభిమానాలతో, ఐకమత్యంతో ముందుకు సాగాలని కోరుకున్నారు.
తెలంగాణ సంస్కృతి, సంప్రదాయాలను పరిరక్షిస్తూ, ప్రజల మధ్య ఐక్యతను పెంపొందించే ఇలాంటి వేడుకలను అందరూ కలిసి జరుపుకోవడం సంతోషకరమని పేర్కొన్నారు. ఈ సందర్భంగా నియోజకవర్గ ప్రజలందరికీ మరోసారి విజయదశమి శుభాకాంక్షలు తెలిపారు.
