వీధి దీపాల సమస్యకు వెంటనే పరిష్కారం
ప్రజల ఇబ్బందులను గుర్తించి వీధి దీపాలు ఏర్పాటు చేసిన కౌన్సిలర్ నీరుగంటి శ్రీలత రమేష్
ఎల్లంపేట, ప్రజావాణి: ఎల్లంపేట మున్సిపాలిటీ పరిధిలోని ఓ వార్డులో కొన్ని రోజులుగా వీధి దీపాలు పనిచేయకపోవడంతో స్థానిక ప్రజలు తీవ్ర ఇబ్బందులు ఎదుర్కొంటున్నారు. రాత్రి వేళల్లో వీధులు చీకటిగా మారడంతో ప్రజలు, వాహనదారులు రాకపోకలు సాగించేందుకు ఇబ్బందులు పడుతున్నారు.
ఈ సమస్యను స్థానికులు వార్డు కౌన్సిలర్ నీరుగంటి శ్రీలత రమేష్ దృష్టికి తీసుకెళ్లారు. ప్రజల సమస్యపై ఆమె వెంటనే స్పందించి, సంబంధిత చర్యలు తీసుకుని వార్డులో వీధి దీపాలను ఏర్పాటు చేయించారు.
వీధి దీపాలు ఏర్పాటు చేయడంతో వార్డులో రాత్రి వేళల్లో వెలుతురు అందుబాటులోకి వచ్చింది. దీంతో స్థానికులు సంతోషం వ్యక్తం చేశారు. తమ సమస్యను వెంటనే పరిష్కరించిన కౌన్సిలర్ నీరుగంటి శ్రీలత రమేష్కు వార్డు ప్రజలు కృతజ్ఞతలు తెలిపారు.
ప్రజలకు అవసరమైన మౌలిక సదుపాయాల కల్పనలో భాగంగా వీధి దీపాల సమస్యను పరిష్కరించడంతో స్థానికులు హర్షం వ్యక్తం చేశారు.
