తోటపల్లి–దేవక్కపల్లి గ్రామాల మధ్య రోడ్డు ప్రమాదం
బెజ్జంకి, నవంబర్ 21 (ప్రజావాణి)
సిద్దిపేట జిల్లా బెజ్జంకి మండలంలోని తోటపల్లి, దేవక్కపల్లి గ్రామాల మధ్య శనివారం ఆటో అదుపుతప్పి బోల్తాపడింది. TS12UC3925 నంబర్ గల ఆటో సిద్దిపేట నుంచి ధర్మపురి వెళ్తుండగా ఈ ప్రమాదం జరిగినట్లు ఆటోలో ప్రయాణిస్తున్నవారు తెలిపారు. ఈ ప్రమాదంలో ఆటోలో ఉన్న పలువురికి గాయాలయ్యాయి. ప్రమాదాన్ని గమనించిన స్థానికులు వెంటనే అంబులెన్స్కు సమాచారం అందించారు. దీంతో సంఘటన స్థలానికి చేరుకున్న అంబులెన్స్ సిబ్బంది క్షతగాత్రులను చికిత్స నిమిత్తం ప్రభుత్వ ఆసుపత్రికి తరలించారు. ప్రమాదానికి గల పూర్తి వివరాలు తెలియాల్సి ఉంది.

