పుట్టినరోజు సందర్భంగా కొమురవెల్లి మల్లికార్జున స్వామిని దర్శించుకున్న కొమ్మూరి ప్రశాంత్ రెడ్డి
అభిమానులు, నాయకుల ఆధ్వర్యంలో ఘన స్వాగతం శాలువాలతో సత్కారం
*కొమురవెల్లి :* జనగామ నియోజకవర్గం పరిధిలో గల
చేర్యాల వ్యవసాయ మార్కెట్ కమిటీ చైర్మన్ కొమ్మూరి ప్రశాంత్ రెడ్డి తన పుట్టినరోజు సందర్భంగా గురువారం కొమురవెల్లి మండల కేంద్రంలోని ప్రసిద్ధ పుణ్యక్షేత్రమైన శ్రీ మల్లికార్జున స్వామివారి ఆలయాన్ని సందర్శించి స్వామివారిని దర్శించుకున్నారు.
ఈ సందర్భంగా ఆయన స్వామివారికి భక్తిశ్రద్ధలతో ప్రత్యేక పూజలు నిర్వహించి, మొక్కులు సమర్పించుకుని స్వామివారి ఆశీస్సులు పొందారు. ఆలయ అర్చకులు ఆయనకు తీర్థ ప్రసాదాలు అందజేసి ఆశీర్వదించారు. పుట్టినరోజు సందర్భంగా ఆలయ ప్రాంగణం భక్తి భావంతో, పండుగ వాతావరణంతో కళకళలాడింది.
ఆలయ ప్రాంగణానికి చేరుకున్న ప్రశాంత్ రెడ్డి కి స్థానిక నాయకులు, కార్యకర్తలు, అభిమానులు ఘనంగా స్వాగతం పలికారు. శాలువాలు, పూలమాలలతో సత్కరించి పుట్టినరోజు శుభాకాంక్షలు తెలియజేశారు. పలువురు నాయకులు ఆయనకు పుట్టినరోజు శుభాకాంక్షలు తెలుపుతూ ఆయురారోగ్యాలతో, సుఖసంతోషాలతో ప్రజాసేవలో మరింత ఉన్నత స్థానాలకు ఎదగాలని, ప్రజలకు మరింత సేవ చేసే శక్తిని స్వామివారు ప్రసాదించాలని ఆకాంక్షించారు.
ఈ సందర్భంగా కొమ్మూరి ప్రశాంత్ రెడ్డి మాట్లాడుతూ, తన పుట్టినరోజు సందర్భంగా కొమురవెల్లి మల్లన్న స్వామివారిని దర్శించుకోవడం ఎంతో సంతోషంగా, అదృష్టంగా భావిస్తున్నానని తెలిపారు. తన పుట్టినరోజును ఆధ్యాత్మిక వాతావరణంలో, ప్రజల మధ్య జరుపుకోవడం తనకు ఎంతో ఆనందాన్ని ఇచ్చిందని అన్నారు.
ప్రజలందరూ సుఖసంతోషాలతో, ఆయురారోగ్యాలతో ఉండాలని, రైతన్నలకు పాడిపంటలు సమృద్ధిగా పండాలని, వ్యవసాయ రంగం మరింత అభివృద్ధి చెందాలని, రాష్ట్రం అన్ని రంగాల్లో అభివృద్ధి సాధించాలని స్వామివారిని ప్రార్థించినట్లు పేర్కొన్నారు. తనకు అండగా నిలుస్తున్న నాయకులు, కార్యకర్తలు, అభిమానులందరికీ ప్రత్యేకంగా కృతజ్ఞతలు తెలిపారు. ప్రజాసేవలో ఎల్లప్పుడూ ముందుంటానని, రైతుల సంక్షేమం కోసం నిరంతరం కృషి చేస్తానని భరోసా ఇచ్చారు.
ఈ కార్యక్రమంలో కొమురవెల్లి మండల కాంగ్రెస్ పార్టీ అధ్యక్షులు మహాదేవుని శ్రీనివాస్, స్థానిక ప్రజాప్రతినిధులు, జనగామ నియోజకవర్గ కాంగ్రెస్ పార్టీ నాయకులు, కార్యకర్తలు, అభిమానులు తదితరులు పెద్ద సంఖ్యలో పాల్గొన్నారు.
