వెంకటేశ్వర మోటార్ బైక్ హబ్ ఆధ్వర్యంలో ఘనంగా లక్కీ డ్రా.. విజేతలకు బహుమతుల ప్రదానం
హసన్‌పర్తి, (మన ప్రజావాణి):
దసరా, దీపావళి పండుగలను పురస్కరించుకొని వెంకటేశ్వర మోటార్ బైక్ హబ్ వారి ఆధ్వర్యంలో నిర్వహించిన లక్కీ డ్రా కార్యక్రమం ఉత్సాహంగా జరిగింది. ఈ లక్కీ డ్రాలో ముగ్గురు విజేతలను ఎంపిక చేశారు.
లక్కీ డ్రాలో మొదటి బహుమతిని ఎటూరునాగారానికి చెందిన కోర్నబెల్లి గణేష్ గెలుచుకోగా, రెండవ బహుమతిని హసన్‌పర్తికి చెందిన ఆరెపల్లి సృజన కైవసం చేసుకున్నారు. మూడవ బహుమతి బి. విజయకు దక్కింది.
ఈ కార్యక్రమానికి ముఖ్య అతిథులుగా 66వ డివిజన్ కాంగ్రెస్ పార్టీ అధ్యక్షుడు గొర్రె కిరణ్ కుమార్, మాజీ కార్పొరేటర్ శివకుమార్, 66వ డివిజన్ బీఆర్ఎస్ పార్టీ అధ్యక్షుడు పాపిశెట్టి శ్రీధర్, పిట్టల కుమారస్వామి, కందుకూరి చంద్రమోహన్ తదితరులు పాల్గొన్నారు.
ఈ సందర్భంగా విజేతలకు శుభాకాంక్షలు తెలియజేస్తూ, పండుగల సందర్భంగా వినియోగదారుల కోసం లక్కీ డ్రా నిర్వహించడం అభినందనీయమని పలువురు పేర్కొన్నారు.
