బీర్కూర్‌లో ఘనంగా మహాత్మా గాంధీ జయంతి
గాంధీజీ ఆశయాలను ప్రతి ఒక్కరూ ఆచరించాలి
బీర్కూర్ మండల కేంద్రంలో మహాత్మా గాంధీ జయంతి వేడుకలను శుక్రవారం ఘనంగా నిర్వహించారు. ఈ సందర్భంగా గాంధీజీ విగ్రహానికి పూలమాలలు వేసి ఘనంగా నివాళులర్పించారు. గాంధీజీ దేశ స్వాతంత్య్రం కోసం చేసిన సేవలను, సత్యం, అహింస, శాంతి సిద్ధాంతాలను ఈ సందర్భంగా స్మరించుకున్నారు.
గాంధీజీ చూపిన సత్యం, అహింస మార్గాలు సమాజానికి నేటికీ ఆదర్శంగా నిలుస్తున్నాయని పలువురు పేర్కొన్నారు. సమాజంలో శాంతి, సోదరభావం, ఐక్యతను పెంపొందించేందుకు ప్రతి ఒక్కరూ కృషి చేయాలని పిలుపునిచ్చారు.
ఈ కార్యక్రమంలో సర్పంచ్ ధర్మతేజతో పాటు ఉప సర్పంచ్ పరమేష్, వార్డు సభ్యులు, మాజీ ఎంపీపీ రఘు, బసవరాజ్ పటేల్,కార్యదర్శి గంగారాం, ప్రజాప్రతినిధులు, అధికారులు, నాయకులు, గ్రామస్తులు పాల్గొని మహాత్మా గాంధీకి నివాళులర్పించారు.
