బీజేపీ యువ మోర్చా రాష్ట్ర కార్యదర్శి అరవింద్ జీ
మన సమగ్ర ప్రజావాణి సంగారెడ్డి అక్టోబర్:14
ఇస్మాయిల్ ఖాన్ పేట్ (ఈశ్వరపురం) దుర్గా భవాని మాత ఆలయాన్ని దర్శించుకున్న బీజేపీ యువ మోర్చా రాష్ట్ర కార్యదర్శి అరవింద్ జీ
**ఈశ్వరపురం:** ఈశ్వరపురంలోని శ్రీ సప్త ప్రాకారయుత దుర్గా భవాని మాత ఆలయాన్ని భారతీయ జనతా పార్టీ యువ మోర్చా రాష్ట్ర కార్యదర్శి అరవింద్ జీ బుధవారం దర్శించుకున్నారు. ఈ సందర్భంగా ఆలయంలో ప్రత్యేకంగా అమ్మవారిని దర్శించుకుని పూజలు నిర్వహించారు.
ఈ కార్యక్రమంలో బీజేపీ సీనియర్ నేత రామచందర్ రావుతో పాటు ఆంజనేయులు, కృష్ణ, సుధాకర్ రెడ్డి, రవి నాయక్, ప్రవీణ్ రెడ్డి తదితరులు పాల్గొన్నారు. ఆలయ దర్శనం అనంతరం అరవింద్ జీ తమ స్వగృహానికి విచ్చేయగా, ఆయనకు సాదరంగా స్వాగతం పలికి శాలువాతో సన్మానించారు. ఈ సందర్భంగా భారతమాత చిత్రపటాన్ని బహుకరించి తమ అభిమానాన్ని చాటుకున్నారు.
ఈ కార్యక్రమం ఆధ్యాత్మిక వాతావరణంలో, పరస్పర ఆత్మీయతతో కొనసాగింది. ఈ సందర్భంగా పాల్గొన్న నాయకులు, కార్యకర్తలు ఒకరినొకరు పలకరించుకుంటూ సంతోషాన్ని పంచుకున్నారు
