కడప జిల్లా: పోరుమామిళ్ల సెప్టెంబర్ 24 ప్రజావాణి పోలీస్ స్టేషన్ నూతన సబ్ ఇన్స్పెక్టర్ (ఎస్సై)గా ఎ.విద్యాసాగర్ బాధ్యతలు స్వీకరించారు. వైఎస్ఆర్ కడప జిల్లా పోలీస్ యంత్రాంగంలో జరిగిన అంతర్గత బదిలీల్లో భాగంగా ఆయనను ఇక్కడికి నియమిస్తూ ఉన్నతాధికారులు ఉత్తర్వులు జారీ చేశారు.ఈ ఉత్తర్వుల మేరకు ఆయన పోలీస్ స్టేషన్లో అధికారికంగా బాధ్యతలను స్వీకరించి,విధుల్లో చేరారు.నూతన ఎస్సైగా బాధ్యతలు చేపట్టిన విద్యాసాగర్కు కడప జిల్లా పరిధిలో సుదీర్ఘమైన పని అనుభవం ఉంది. ఆయన గతంలో జిల్లాలోని పలు కీలకమైన ప్రాంతాల్లో సమర్థవంతంగా విధులు నిర్వహించారు. ముఖ్యంగా దువ్వూరు, బి.మఠం (బ్రహ్మంగారిమఠం), కమలాపురం, కొండాపురం మరియు ప్రొద్దుటూరు వంటి ప్రముఖ పోలీస్ స్టేషన్లలో ఎస్సైగా పనిచేసి శాంతిభద్రతల పరిరక్షణలో తనదైన ముద్ర వేశారు. ఆయా ప్రాంతాల్లో నేరాల నియంత్రణలోనూ, ప్రజలకు భద్రతాభావం కల్పించడంలోనూ ఆయన చూపిన చొరవ స్థానికంగా మంచి గుర్తింపు తెచ్చిపెట్టింది.
శాంతిభద్రతలకు ప్రథమ ప్రాధాన్యం:
బాధ్యతలు స్వీకరించిన అనంతరం నూతన ఎస్సై విద్యాసాగర్.పోరుమామిళ్ల మండలంపరిధిలో శాంతిభద్రతలను కాపాడటమే తన ప్రథమ కర్తవ్యమని ఆయన స్పష్టం చేశారు. పోలీస్ స్టేషన్కు వచ్చే ప్రతి బాధితుడికి న్యాయం జరిగేలా చూస్తామని, చట్ట వ్యతిరేక కార్యకలాపాలకు పాల్పడే వారిపై ఉక్కుపాదం మోపుతామని హెచ్చరించారు.ముఖ్యంగా రౌడీయిజం, ఇసుక అక్రమ రవాణా, జూదం, బెల్ట్ షాపుల వంటి సామాజిక రుగ్మతలపై ప్రత్యేక నిఘా ఉంచుతామని తెలిపారు. ప్రజలు ఎలాంటి భయాందోళనలు లేకుండా తమ సమస్యలను నేరుగా పోలీసుల దృష్టికి తీసుకురావచ్చని, పోలీసు యంత్రాంగం ఎల్లప్పుడూ ప్రజలకు అందుబాటులో ఉంటుందని ఆయన భరోసా ఇచ్చారు.
కలసపాడుకు బదిలీ అయిన హనుమంతు:
ఇదిలా ఉండగా, ఇప్పటివరకు పోరుమామిళ్ల పోలీస్ స్టేషన్ ఎస్సై సేవలందించిన హనుమంతు బదిలీ అయ్యారు. ఆయనను కలసపాడు పోలీస్ స్టేషన్కు బదిలీ చేస్తూ అధికారులు నిర్ణయం తీసుకున్నారు. పోరుమామిళ్లలో హనుమంతు అందించిన సేవలను సహచర సిబ్బంది మరియు స్థానికులు అభినందిస్తూ ఆయనకు వీడ్కోలు పలికారు. నూతన ఎస్సైగా బాధ్యతలు చేపట్టిన విద్యాసాగర్కు పోలీస్ సిబ్బంది, స్థానిక ముఖ్య నాయకులు మరియు ప్రజలు పుష్పగుచ్ఛాలు అందించి శుభాకాంక్షలు తెలియజేశారు.
