నల్గొండ జిల్లా ప్రతినిధి ప్రజావాణి
చండూరు మండల తహశీల్దార్ కార్యాలయంలో బుధవారం కళ్యాణ లక్ష్మి మరియు షాదీ ముబారక్ చెక్కుల పంపిణీ కార్యక్రమం ఘనంగా జరిగింది. మండలంలోని 30 మంది లబ్ధిదారులకు మొత్తం చెక్కులను అధికారులు అందజేశారు. ఈ కార్యక్రమానికి ముఖ్య అతిథిగా మున్సిపల్ చైర్మన్ కోడి శ్రీనివాసులు హాజరై లబ్ధిదారులకు చెక్కులు అందజేశారు. ఈ సందర్భంగా ఆయన మాట్లాడుతూ – తెలంగాణ ప్రభుత్వం పేద ఆడబిడ్డల పెళ్లికి అండగా నిలుస్తోందని, అర్హులైన ప్రతి ఒక్కరూ ఈ పథకాన్ని సద్వినియోగం చేసుకోవాలని కోరారు. ఈ కార్యక్రమంలో తహశీల్దార్ రమాకాంత్ శర్మ, కౌన్సిలర్లు, వివిధ గ్రామాల సర్పంచులు, ఆర్.ఐ మురళీ కృష్ణ, జిపిఓ మణికాంత్, కార్యాలయ సిబ్బంది పాల్గొన్నారు. లబ్ధిదారులు ప్రభుత్వానికి, అధికారులకు కృతజ్ఞతలు తెలిపారు.
