📄 ePaper
5pm
7pm
Tuesday, November 17, 2026
📄 ePaper
5pm epaper
7pm epaper
Homeతెలంగాణమౌనీకకు ముందస్తు వివాహ శుభాకాంక్షలు తెలిపిన డీసీసీ అధ్యక్షుడు ఇనగాల వెంకట్రామ్ రెడ్డి

మౌనీకకు ముందస్తు వివాహ శుభాకాంక్షలు తెలిపిన డీసీసీ అధ్యక్షుడు ఇనగాల వెంకట్రామ్ రెడ్డి

📰 Generate e-Paper Clip

మౌనీకకు ముందస్తు వివాహ శుభాకాంక్షలు తెలిపిన డీసీసీ అధ్యక్షుడు ఇనగాల వెంకట్రామ్ రెడ్డి

పరకాల, అక్టోబర్ 31 (ప్రజావాణి):

హనుమకొండ జిల్లా కాంగ్రెస్ పార్టీ అధ్యక్షుడు ఇనగాల వెంకట్రామ్ రెడ్డి లక్ష్మీపురం గ్రామానికి చెందిన మాజీ ఎంపీటీసీ, మాజీ సర్పంచ్ పల్లేబోయిన సునీత–శ్రీనివాస్ ముదిరాజ్ దంపతుల కుటుంబాన్ని పరామర్శించి, వారి కుమార్తె మౌనీకకు ముందస్తుగా వివాహ మహోత్సవ శుభాకాంక్షలు తెలియజేశారు. కుటుంబ సభ్యుల ఆహ్వానం, ఆప్యాయతల మధ్య వారి నివాసానికి చేరుకున్న ఇనగాల వెంకట్రామ్ రెడ్డి పెళ్లికూతురు మౌనీకను ఆశీర్వదించి, నూతన జీవితంలో సుఖసంతోషాలతో, ఆయురారోగ్యాలతో వర్ధిల్లాలని ఆకాంక్షించారు.

పరకాల మండలం లక్ష్మీపురం గ్రామానికి చెందిన పల్లేబోయిన సునీత–శ్రీనివాస్ ముదిరాజ్ దంపతుల కుమార్తె మౌనీక వివాహం ఆదివారం జరగనుంది. అయితే అదే రోజు ఢిల్లీలో పార్టీకి సంబంధించిన ముఖ్యమైన కార్యక్రమంలో పాల్గొనాల్సి ఉండటంతో వివాహ వేడుకకు హాజరుకావడం సాధ్యం కాని పరిస్థితి ఏర్పడింది. ఈ నేపథ్యంలో ముందుగానే కుటుంబాన్ని కలిసి శుభాకాంక్షలు తెలియజేయాలనే ఉద్దేశంతో శనివారం లక్ష్మీపురంలోని వారి నివాసానికి ఇనగాల వెంకట్రామ్ రెడ్డి వెళ్లారు.

ఈ సందర్భంగా సునీత–శ్రీనివాస్ దంపతులతో పాటు కుటుంబ సభ్యులను ఆప్యాయంగా పలకరించి, వివాహ ఏర్పాట్లు, కుటుంబ యోగక్షేమాల గురించి అడిగి తెలుసుకున్నారు. అనంతరం మౌనీకకు వివాహ శుభాకాంక్షలు తెలియజేస్తూ ఆశీర్వదించారు. వివాహ బంధంతో కొత్త జీవితంలోకి అడుగుపెడుతున్న మౌనీక దంపతులు పరస్పర అవగాహన, ప్రేమాభిమానాలతో జీవితాంతం సుఖసంతోషాలతో సాగాలని ఆకాంక్షించారు.

పార్టీ కార్యక్రమాల బిజీ షెడ్యూల్ ఉన్నప్పటికీ స్థానిక నాయకులు, కార్యకర్తలు, వారి కుటుంబాల్లో జరిగే శుభకార్యాలను గుర్తు పెట్టుకుని ముందస్తుగా వెళ్లి శుభాకాంక్షలు తెలియజేయడం ఈ సందర్భంగా ప్రాధాన్యత సంతరించుకుంది. ఇనగాల వెంకట్రామ్ రెడ్డి తమ ఇంటికి వచ్చి కుమార్తెను ఆశీర్వదించి శుభాకాంక్షలు తెలియజేయడంపై సునీత–శ్రీనివాస్ కుటుంబ సభ్యులు సంతోషం వ్యక్తం చేస్తూ కృతజ్ఞతలు తెలిపారు.

RELATED ARTICLES
- Advertisment -

Most Popular

App Icon

Install PRAJAVAANI App

Add to home screen for faster loading and latest updates.