📄 ePaper
5pm
7pm
Tuesday, November 17, 2026
📄 ePaper
5pm epaper
7pm epaper
Homeతెలంగాణపేదల నిరీక్షణకు తెర.. అర్హుల ఇళ్లలో పింఛన్ వెలుగులు!

పేదల నిరీక్షణకు తెర.. అర్హుల ఇళ్లలో పింఛన్ వెలుగులు!

📰 Generate e-Paper Clip

పేదల నిరీక్షణకు తెర.. అర్హుల ఇళ్లలో పింఛన్ వెలుగులు!

కొత్త పింఛన్ల మంజూరుతో నిరుపేదల ముఖాల్లో ఆనందం..

తెలంగాణ ప్రభుత్వానికి, ఎమ్మెల్యే విజయరమణారావుకు జీలకుంట సర్పంచ్ రాగిడి మంగ కృతజ్ఞతలు

ఓదెల, పెద్దపల్లి, ప్రజావాణి ప్రతినిధి:

గత కొన్నేళ్లుగా కొత్త పింఛన్ల కోసం ఆశగా ఎదురుచూస్తున్న నిరుపేదల నిరీక్షణకు తెరపడటంతో జీలకుంట గ్రామంలో ఆనందం వెల్లివిరిసింది. అర్హులైన లబ్ధిదారులకు నూతన పింఛన్లు మంజూరు చేసి, వారి జీవితాల్లో ఆర్థిక భరోసా నింపిన తెలంగాణ ప్రభుత్వానికి, పెద్దపల్లి శాసనసభ్యులు చింతకుంట విజయరమణారావుకు జీలకుంట గ్రామ సర్పంచ్ హృదయపూర్వక కృతజ్ఞతలు తెలిపారు. గ్రామంలో నిర్వహించిన నూతన పింఛన్ల పంపిణీ కార్యక్రమంలో ఎమ్మెల్యే విజయరమణారావు స్వయంగా లబ్ధిదారులకు పింఛన్లు అందజేయడంతో పలువురు లబ్ధిదారులు ఆనందం వ్యక్తం చేశారు.

ఈ సందర్భంగా సర్పంచ్ మాట్లాడుతూ.. గ్రామ ప్రథమ పౌరురాలిగా బాధ్యతలు చేపట్టిన నాటి నుంచి గ్రామంలోని పేద ప్రజల సమస్యలను, వారి జీవన పరిస్థితులను దగ్గరగా గమనిస్తున్నానని తెలిపారు. ముఖ్యంగా భర్తను కోల్పోయి కుటుంబ పోషణ భారంతో ఇబ్బందులు పడుతున్న వితంతు మహిళలు, నడవలేని స్థితిలో ఉండి ఇతరులపై ఆధారపడుతున్న దివ్యాంగులు, జీవనాధారం లేక ఆర్థిక ఇబ్బందులు ఎదుర్కొంటున్న ఒంటరి మహిళలు ఎన్నో ఏళ్లుగా పింఛన్ల కోసం ఎదురుచూస్తున్నారని ఆవేదన వ్యక్తం చేశారు.

అదేవిధంగా రేయింబవళ్లు కష్టపడి మగ్గం నేస్తూ కుటుంబాలను పోషించుకుంటున్న పద్మశాలి చేనేత కార్మికులు, ప్రమాదాలను సైతం లెక్కచేయకుండా తాటి చెట్లు ఎక్కి కల్లు గీస్తూ జీవనం సాగిస్తున్న గౌడ కులస్తులు సైతం ప్రభుత్వ పింఛన్ సాయం కోసం ఆశగా ఎదురుచూశారని పేర్కొన్నారు. ఇలాంటి పేద కుటుంబాలకు నెలనెలా అందే పింఛన్ కేవలం ఆర్థిక సాయం మాత్రమే కాదని, వారి జీవితాలకు ఒక భరోసా, ఆత్మవిశ్వాసాన్ని అందించే ఆధారమని అన్నారు.

గ్రామీణ ప్రాంతాల్లోని పేదల కష్టాలను, వృద్ధులు, వితంతువులు, దివ్యాంగులు, ఒంటరి మహిళల అవసరాలను గుర్తించి అర్హులకు పింఛన్లు మంజూరు చేయడం అభినందనీయమన్నారు. ప్రజలు తమ సమస్యల పరిష్కారం కోసం ప్రభుత్వ కార్యాలయాల చుట్టూ తిరగాల్సిన పరిస్థితి లేకుండా, అర్హులైన వారికి ప్రభుత్వ సంక్షేమ పథకాలు అందేలా చర్యలు తీసుకోవడం వల్ల పేద కుటుంబాలకు ఎంతో మేలు జరుగుతుందని తెలిపారు.

పెద్దపల్లి ఎమ్మెల్యే చింతకుంట విజయరమణారావు గ్రామ ప్రజల సమస్యలను గుర్తించి, అర్హులైన వారికి నూతన పింఛన్లు అందించేందుకు కృషి చేయడం సంతోషకరమన్నారు. ముఖ్యంగా పింఛన్ల కోసం ఎన్నో రోజులుగా ఎదురుచూస్తున్న వారికి నేడు స్వయంగా ఎమ్మెల్యే చేతుల మీదుగా పింఛన్లు అందడం వారి కుటుంబాల్లో కొత్త ఆశలు నింపిందని పేర్కొన్నారు. పింఛన్ అందుకున్న ప్రతి లబ్ధిదారుడి ముఖంలో కనిపిస్తున్న ఆనందం తమకు ఎంతో సంతృప్తినిచ్చిందని భావోద్వేగంతో తెలిపారు.

ఆర్థిక ఇబ్బందులతో సతమతమవుతున్న పేద కుటుంబాలకు ప్రభుత్వం అందించే సంక్షేమ పథకాలు ఎంతో అండగా నిలుస్తాయని, ముఖ్యంగా వృద్ధాప్యంలో ఉన్నవారికి, దివ్యాంగులకు, భర్తను కోల్పోయిన మహిళలకు పింఛన్ ఎంతో ఉపయోగకరంగా ఉంటుందని అన్నారు. పేదల కష్టాలను గుర్తించి వారికి అండగా నిలవడం ప్రజాప్రతినిధుల బాధ్యత అని, ఆ దిశగా అర్హులైన వారికి పింఛన్లు అందించడం సంతోషకరమైన పరిణామమని పేర్కొన్నారు.

పింఛన్ అందుకుంటున్న ప్రతి లబ్ధిదారుడి కుటుంబంలో ఈ రోజు చిరస్మరణీయంగా నిలిచిపోతుందని, వారి మనసుల్లో ఎమ్మెల్యే విజయరమణారావు పట్ల కృతజ్ఞతాభావం ఉంటుందని అన్నారు. లబ్ధిదారుల ఆశీస్సులు ఎమ్మెల్యేకు, ఆయన కుటుంబానికి ఎల్లప్పుడూ ఉండాలని ఆకాంక్షించారు.

చివరిగా జీలకుంట గ్రామ ప్రజల తరఫున నూతన పింఛన్లు మంజూరు చేసిన తెలంగాణ ప్రభుత్వానికి, ముఖ్యమంత్రి గారికి, పేదల సంక్షేమానికి కృషి చేస్తున్న పెద్దపల్లి ఎమ్మెల్యే చింతకుంట విజయరమణారావుకు ప్రత్యేక ధన్యవాదాలు తెలియజేశారు. అర్హులైన ప్రతి పేద కుటుంబానికి ప్రభుత్వ సంక్షేమ ఫలాలు అందేలా భవిష్యత్తులోనూ కృషి చేస్తామని సర్పంచ్ పేర్కొన్నారు.

RELATED ARTICLES
- Advertisment -

Most Popular

App Icon

Install PRAJAVAANI App

Add to home screen for faster loading and latest updates.