66వ డివిజన్‌లో ఎమ్మెల్సీ ఓటరు నమోదు కార్యక్రమం
ప్రొఫెసర్ కాలనీలో వరంగల్–ఖమ్మం–నల్గొండ పట్టభద్రుల ఎమ్మెల్సీ ఓటరు నమోదుపై అవగాహన
హసన్‌పర్తి, (మన ప్రజావాణి):
హనుమకొండ జిల్లా గ్రేటర్ వరంగల్ పరిధిలోని 66వ డివిజన్ ప్రొఫెసర్ కాలనీలో వరంగల్–ఖమ్మం–నల్గొండ పట్టభద్రుల ఎమ్మెల్సీ ఓటరు నమోదు కార్యక్రమాన్ని నిర్వహించారు. ఈ సందర్భంగా అర్హులైన పట్టభద్రులు ఎమ్మెల్సీ ఓటరుగా తమ పేర్లను నమోదు చేసుకోవాలని నాయకులు సూచించారు.
ఈ కార్యక్రమంలో ఎమ్మెల్సీ ఓటరు నమోదు బాధ్యతలు నిర్వహిస్తున్న బీఎల్ఏ, బీఆర్ఎస్ సీనియర్ నాయకులు బొక్క కుమార్ పాల్గొని ఓటరు నమోదు ప్రక్రియపై వివరించారు. పట్టభద్రులు తమ ఓటు హక్కును వినియోగించుకునేందుకు ముందస్తుగా ఓటరు జాబితాలో పేర్లు నమోదు చేసుకోవాలని కోరారు.
ఈ కార్యక్రమంలో హసన్‌పర్తి బీఆర్ఎస్ మండల అధ్యక్షుడు డాక్టర్ బండి రజనీకుమార్, పొన్నాల రామయ్య, మహేందర్ రాజ్, సత్యనారాయణ, శ్రీలక్ష్మి, పావని, సోనీరాజ్, మానస, శాశ్విత, వేణుగోపాల్, సుధాకర్ తదితరులు పాల్గొన్నారు.
