బెజ్జంకి మండల యాదవ సంఘం నూతన అధ్యక్షులకు ఎమ్మెల్యే హరీశ్ రావు సత్కారం
బెజ్జంకి, అక్టోబర్ 28 (ప్రజావాణి)
సిద్దిపేట జిల్లా బెజ్జంకి మండల యాదవ సంఘం నూతన అధ్యక్షుడిగా నియమితులైన నలువాల స్వామి యాదవ్, యువజన అధ్యక్షుడిగా నియమితులైన కల్లూరి అజయ్ యాదవ్‌లను మాజీ మంత్రి, సిద్దిపేట ఎమ్మెల్యే తన్నీరు హరీశ్ రావు శాలువాలతో సత్కరించి శుభాకాంక్షలు తెలిపారు.ఈ సందర్భంగా హరీశ్ రావు మాట్లాడుతూ యాదవ సంఘం నాయకులు ఐక్యంగా ఉంటూ సంఘం అభివృద్ధికి, సామాజిక వర్గం అభ్యున్నతికి కృషి చేయాలని సూచించినట్లు పేర్కొనవచ్చు. నూతనంగా బాధ్యతలు చేపట్టిన నాయకులు సంఘాన్ని మరింత బలోపేతం చేస్తూ ప్రజలకు అందుబాటులో ఉండాలని తెలిపారు.ఈ కార్యక్రమంలో రాష్ట్ర ప్రధాన కార్యదర్శి శ్రీహరి యాదవ్, జిల్లా అధ్యక్షుడు ఐలయ్య యాదవ్, యువజన అధ్యక్షుడు రాము యాదవ్, వివిధ గ్రామాల యాదవ సంఘం అధ్యక్షులు, జిల్లా కార్యవర్గ సభ్యులు, బీఆర్ఎస్ మండల అధ్యక్షుడు పాకాల మహిపాల్ రెడ్డి, రాష్ట్ర నాయకులు లింగాల లక్ష్మణ్, శ్రీనివాస్ గుప్తా, పీఏసీఎస్ మాజీ వైస్ చైర్మన్ బండి రమేష్ యాదవ్, మ్యాకల శ్రీకాంత్ యాదవ్, బీఆర్ఎస్ బీసీ సెల్ అధ్యక్షుడు కల్లూరి రవి, ఎస్సీ సెల్ మండల అధ్యక్షుడు కిష్టయ్య తదితరులు పాల్గొన్నారు.
