*ఏడాదిగా అవస్థలు.. అధికారుల నిర్లక్ష్యంపై రాజు ఆగ్రహం
*
*తవ్విన రోడ్డుకు మోక్షమెప్పుడు?*
*ప్రజల ఇబ్బందులు పట్టించుకోరా? వెంటనే రోడ్డు వేయాలి:మాజీ మండల అధ్యక్షుడు రాజు*
మేడ్చల్ ప్రజా వాణి: డ్రైనేజీ కోసం రోడ్డు తవ్వి.. వేయడం మరిచారు! ఏడాది కాలంగా కాలనీవాసుల అవస్థలు.. అధికారుల నిర్లక్ష్యంపై ఆగ్రహం వెంటనే రోడ్డు పనులు పూర్తి చేయాలి.. అధికారులకు మేడ్చల్ మండల ఉమ్మడి మాజీ అధ్యక్షుడు రాజు హెచ్చరిక మేడ్చల్: డ్రైనేజీ నిర్మాణం కోసం రోడ్డును తవ్వి ఏడాది కాలం గడుస్తున్నా తిరిగి రోడ్డు నిర్మాణ పనులు చేపట్టకపోవడంతో కాలనీవాసులు తీవ్ర ఇబ్బందులు ఎదుర్కొంటున్నారు. ప్రజల రాకపోకలకు ఇబ్బందులు కలుగుతున్నా సంబంధిత అధికారులు పట్టించుకోకపోవడంపై స్థానికులు ఆగ్రహం వ్యక్తం చేస్తున్నారు. ప్రజా సమస్యలను పరిష్కరించాల్సిన అధికారులు ఎక్కడ ఉన్నారో తెలియని పరిస్థితి నెలకొందని విమర్శలు వెల్లువెత్తుతున్నాయి.
డ్రైనేజీ పనుల కోసం రోడ్డును తవ్విన అధికారులు, పనులు పూర్తయిన అనంతరం రహదారిని తిరిగి నిర్మించాల్సిన విషయాన్ని విస్మరించారని స్థానికులు వాపోతున్నారు. ఏడాది కాలంగా రోడ్డు దుస్థితి మారకపోవడంతో కాలనీవాసులు నిత్యం ఇబ్బందులు పడుతున్నారు. రహదారి సక్రమంగా లేకపోవడంతో వాహనదారులు, పాదచారులు రాకపోకలు సాగించేందుకు అవస్థలు ఎదుర్కొంటున్నారని ఆవేదన వ్యక్తం చేస్తున్నారు. ఈ సమస్యపై మేడ్చల్ మండల ఉమ్మడి మాజీ అధ్యక్షుడు రాజు స్పందిస్తూ, డ్రైనేజీ కోసం రోడ్డును తవ్వి ఏడాది గడుస్తున్నా తిరిగి రోడ్డు వేయకపోవడం బాధాకరమని అన్నారు. కాలనీవాసులు తీవ్ర ఇబ్బందులు ఎదుర్కొంటున్నా అధికారులు పట్టించుకోకపోవడం సరికాదని పేర్కొన్నారు. ప్రజల సమస్యలను పరిష్కరించాల్సిన అధికారులు బాధ్యతగా వ్యవహరించాలని సూచించారు. సంబంధిత అధికారులు వెంటనే స్పందించి రహదారి పరిస్థితిని పరిశీలించాలని, పెండింగ్‌లో ఉన్న రోడ్డు నిర్మాణ పనులను తక్షణమే పూర్తి చేసి ప్రజలకు ఇబ్బందులు లేకుండా చూడాలని రాజు హెచ్చరించారు. ప్రజల సమస్యలను నిర్లక్ష్యం చేయకుండా అధికారులు బాధ్యతాయుతంగా వ్యవహరించి, కాలనీవాసులకు మెరుగైన రహదారి సదుపాయం కల్పించాలని డిమాండ్ చేశారు.
ఏడాది కాలంగా కొనసాగుతున్న ఈ సమస్యకు అధికారులు ఇప్పటికైనా పరిష్కారం చూపుతారా? లేక కాలనీవాసుల కష్టాలు ఇలాగే కొనసాగుతాయా? అన్నది వేచి చూడాల్సి ఉంది.
