గణేష్ ఉత్సవ కమిటీ సభ్యులకు టీ-షర్ట్లు, బహుమతుల పంపిణీ
మాజీ ఎంపీటీసీ ఆడడావుత్ వాలి హాంజీ
ప్రజావాణి మిర్యాలగూడ నియోజకవర్గం సెప్టెంబర్ 23
దామరచర్ల మండలం జైత్రం తండాలో వినాయక చవితి ఉత్సవాల సందర్భంగా గణేష్ ఉత్సవ కమిటీ సభ్యులకు టీ-షర్ట్లు, అలాగే ఆటపాటల పోటీల్లో పాల్గొన్న విజేతలకు బహుమతుల పంపిణీ కార్యక్రమాన్ని నిర్వహించారు. జైత్రం తండా మరియు జాలాబాయి తండాలలోని యువతకు మాజీ ఎంపీటీసీ ఆడడావుత్ వాలి హాంజీ నాయక్ సౌజన్యంతో ఈ టీ-షర్ట్లు, బహుమతులను అందజేశారు.
ఈ సందర్భంగా ఆయన మాట్లాడుతూ… యువత భక్తిశ్రద్ధలతో పాటు సామాజిక ఐక్యతను పెంపొందించుకోవాలని, ఇటువంటి ఆధ్యాత్మిక, సాంస్కృతిక కార్యక్రమాల్లో చురుగ్గా పాల్గొనడం అభినందనీయమని అన్నారు.
ఈ కార్యక్రమంలో సక్రి మంగ్తా నాయక్, తండా యూత్ సభ్యులు మరియు గ్రామస్తులు పెద్ద సంఖ్యలో పాల్గొన్నారు.
