ప్రజావాణి – కూసుమంచి
సెప్టెంబర్ 17
పోచారంలో ఘనంగా ప్రజా పాలన దినోత్సవం
కూసుమంచి మండలం పోచారం గ్రామపంచాయతీ కార్యాలయం ఆవరణలో ప్రజా పాలన దినోత్సవాన్ని గురువారం ఘనంగా నిర్వహించారు. ఈ సందర్భంగా గ్రామ సర్పంచ్ జాతీయ పతాకాన్ని ఆవిష్కరించి వందనం చేశారు. అనంతరం గ్రామ అభివృద్ధి, ప్రజా సంక్షేమం, ప్రభుత్వ పథకాల అమలు తదితర అంశాలపై కార్యక్రమంలో పాల్గొన్నవారు చర్చించారు. ఈ వేడుకల్లో పోచారం ప్రభుత్వ పాఠశాల ప్రధానోపాధ్యాయుడు, పంచాయతీ కార్యదర్శి, వార్డు సభ్యులు, గ్రామపంచాయతీ సిబ్బంది, గ్రామ పెద్దలు, విద్యార్థులు పాల్గొన్నారు. జాతీయ పతాకావిష్కరణ సందర్భంగా అందరూ గౌరవ వందనం సమర్పించారు. 
గ్రామపంచాయతీ కార్యాలయం వద్ద జరిగిన ఈ కార్యక్రమం దేశభక్తి, ప్రజాస్వామ్య విలువలను చాటిచెప్పేలా సాగింది. ప్రజా పాలన దినోత్సవం ప్రాధాన్యతను గ్రామ ప్రజలకు వివరించారు. గ్రామ అభివృద్ధిలో ప్రజల భాగస్వామ్యం, ఐక్యత, సమష్టి కృషి అవసరమని పలువురు పేర్కొన్నారు. కార్యక్రమం అనంతరం పాల్గొన్న వారికి అభినందనలు తెలిపారు.
పోచారంలో ఘనంగా ప్రజా పాలన దినోత్సవం
