మేడ్చల్ పోలీసులకు విజయదశమి శుభాకాంక్షలు తెలిపిన ఎర్ర విజయరావు
పోలీసుల సేవలు అభినందనీయం.. ప్రజల భద్రతలో కీలక పాత్ర
మేడ్చల్ ప్రజావాణి:- విజయదశమి పర్వదినాన్ని పురస్కరించుకొని మేడ్చల్ పోలీసులకు ఐఎన్‌టీయూసీ ఆటో యూనియన్ అధ్యక్షుడు ఎర్ర విజయరావు విజయదశమి శుభాకాంక్షలు తెలిపారు. ఈ సందర్భంగా పోలీసు అధికారులు, సిబ్బందికి పండుగ శుభాకాంక్షలు తెలియజేస్తూ, వారు ఆయురారోగ్యాలతో, సుఖసంతోషాలతో ఉండాలని ఆకాంక్షించారు. ప్రజల భద్రత, శాంతిభద్రతల పరిరక్షణలో పోలీసులు నిరంతరం కీలక పాత్ర పోషిస్తున్నారని ఎర్ర విజయరావు పేర్కొన్నారు. పండుగలు, ప్రత్యేక సందర్భాల్లో ప్రజలకు ఎలాంటి ఇబ్బందులు కలగకుండా పోలీసులు విధులు నిర్వహించడం అభినందనీయమన్నారు. సమాజంలో శాంతి, భద్రతలను కాపాడుతూ ప్రజలకు రక్షణ కల్పించడంలో పోలీసుల సేవలు ఎంతో ముఖ్యమైనవని తెలిపారు. విజయదశమి పండుగ చెడుపై మంచి సాధించిన విజయానికి ప్రతీక అని, ప్రతి ఒక్కరూ సుఖశాంతులతో జీవించాలని ఆకాంక్షించారు. మేడ్చల్ పోలీసు అధికారులు, సిబ్బంది కుటుంబ సమేతంగా విజయదశమి పండుగను ఆనందంగా జరుపుకోవాలని కోరుతూ మరోసారి శుభాకాంక్షలు తెలిపారు.
ఎర్ర విజయరావు, ఐఎన్‌టీయూసీ ఆటో యూనియన్ అధ్యక్షుడు
