*మేడ్చల్ జిల్లాలో ఐదు 2బీ బార్ల కేటాయింపు*
*లాటరీ ద్వారా ఐదుగురు అభ్యర్థుల ఎంపిక*
*కలెక్టర్ మను చౌదరి సమక్షంలో పారదర్శకంగా లాటరీ ప్రక్రియ*
మేడ్చల్
:- మేడ్చల్–మల్కాజిగిరి జిల్లా పరిధిలోని మూడు మున్సిపాలిటీల్లో 2బీ బార్ల కేటాయింపునకు నిర్వహించిన లాటరీ ప్రక్రియలో ఐదుగురు అభ్యర్థులు ఎంపికయ్యారు. శుక్రవారం ఉదయం 11 గంటలకు జిల్లా కార్యాలయ సముదాయంలో జిల్లా కలెక్టర్ మను చౌదరి, ఐఏఎస్ సమక్షంలో ఈ లాటరీ ప్రక్రియ నిర్వహించారు. అలియాబాద్, మూడుచింతలపల్లి, ఎల్లంపేట్ మున్సిపాలిటీల పరిధిలోని మొత్తం ఐదు బార్ల కేటాయింపునకు ఈ ఎంపిక చేపట్టారు. జిల్లాలోని కుత్బుల్లాపూర్ ఎక్సైజ్ యూనిట్‌కు సంబంధించి, అలియాబాద్ ఎక్సైజ్ స్టేషన్ పరిధిలోకి వచ్చే ఆయా మున్సిపాలిటీల్లో 2బీ బార్ల కేటాయింపునకు అర్హులైన అభ్యర్థుల మధ్య లాటరీ నిర్వహించారు. ఈ ప్రక్రియలో టోకెన్ నంబర్ల ఆధారంగా అభ్యర్థులను ఎంపిక చేశారు.
*అలియాబాద్‌లో ఒక బార్‌కు ఎంపిక*
అలియాబాద్ మున్సిపాలిటీ పరిధిలో కేటాయించనున్న ఒక బార్‌కు నిర్వహించిన లాటరీలో టోకెన్ నంబర్ 175 కలిగిన శైలజ కాసులవధ ఎంపికయ్యారు.
*మూడుచింతలపల్లిలో ఇద్దరికి అవకాశం*
మూడుచింతలపల్లి మున్సిపాలిటీ పరిధిలోని రెండు బార్ల కేటాయింపునకు నిర్వహించిన లాటరీలో టోకెన్ నంబర్ 106 కలిగిన కురా జ్యోతి, టోకెన్ నంబర్ 87 కలిగిన సుంకరి సృజన్ కుమార్ ఎంపికయ్యారు.
*ఎల్లంపేట్‌లో మరో ఇద్దరి ఎంపిక*
ఎల్లంపేట్ మున్సిపాలిటీ పరిధిలోని రెండు బార్ల కేటాయింపునకు నిర్వహించిన లాటరీలో టోకెన్ నంబర్ 180 కలిగిన ముద్దన రాహుల్ గౌడ్, టోకెన్ నంబర్ 207 కలిగిన రూపాని శివ కుమార్ ఎంపికయ్యారు.
*మొత్తం ఐదు బార్లకు లాటరీ పూర్తి*
మూడు మున్సిపాలిటీల పరిధిలోని ఐదు 2బీ బార్ల కేటాయింపునకు సంబంధించి లాటరీ ప్రక్రియ పూర్తయిందని జిల్లా ప్రొహిబిషన్ అండ్ ఎక్సైజ్ అధికారి ఆర్. ప్రవీణ్ తెలిపారు. లాటరీ ద్వారా ఎంపికైన అభ్యర్థుల వివరాలను వెల్లడించారు. ఈ కార్యక్రమం జిల్లా కలెక్టర్ మను చౌదరి సమక్షంలో నిర్వహించగా, సంబంధిత ఎక్సైజ్ అధికారులు లాటరీ ప్రక్రియలో పాల్గొన్నారు. లాటరీ ద్వారా ఎంపికైన ఐదుగురు అభ్యర్థులకు సంబంధించి తదుపరి కేటాయింపు ప్రక్రియ నిబంధనల ప్రకారం కొనసాగనుంది.
