ధర్మరావుపేటలో డిజిటల్ రేషన్ కార్డుల పంపిణీ
ప్రభుత్వ సంక్షేమ పథకాలను ప్రజలు సద్వినియోగం చేసుకోవాలి
దండేపల్లి, అక్టోబర్ 16 (ప్రజావాణి):
తెలంగాణ రాష్ట్ర ప్రభుత్వం చేపట్టిన డిజిటల్ రేషన్ కార్డుల పంపిణీ కార్యక్రమం దండేపల్లి మండలంలోని ధర్మరావుపేట గ్రామ పంచాయతీలో జీపీఓ ప్రసాద్, పంచాయతీ కార్యదర్శి సనంద, ఫీల్డ్ అసిస్టెంట్ కొత్త సతీష్ ఆధ్వర్యంలో నిర్వహించారు. ఈ కార్యక్రమానికి గ్రామ సర్పంచ్ కొత్త ధర్మయ్య ముఖ్య అతిథిగా హాజరై లబ్ధిదారులకు డిజిటల్ రేషన్ కార్డుల పంపిణీలో పాల్గొన్నారు.
ఈ సందర్భంగా సర్పంచ్ కొత్త ధర్మయ్య మాట్లాడుతూ, ప్రభుత్వం అందిస్తున్న సంక్షేమ పథకాలను అర్హులైన ప్రతి ఒక్కరూ సద్వినియోగం చేసుకోవాలని సూచించారు. డిజిటల్ రేషన్ కార్డుల ద్వారా లబ్ధిదారులకు రేషన్ సేవలు మరింత సులభతరం కానున్నాయని తెలిపారు.
ఈ కార్యక్రమంలో మార్కెట్ కమిటీ మాజీ చైర్మన్ దాసరి ప్రేమ్ చందు, ఉప సర్పంచ్ నక్క చంద్రమౌళి, గ్రామ రేషన్ డీలర్ నక్క తిరుపతి, అంగన్‌వాడీ ఉపాధ్యాయురాలు దాసరి ప్రసన్న, గ్రామ పంచాయతీ వార్డు సభ్యులు, గ్రామ ప్రజలు పాల్గొన్నారు.
ధర్మరావుపేటలో డిజిటల్ రేషన్ కార్డుల పంపిణీ
