బద్వేల్ నియోజకవర్గ సెప్టెంబర్ 30 ప్రజావాణి తెలుగుదేశం పార్టీ బద్వేల్ ఇంచార్జ్ శ్రీ మంచూరు సూర్యనారాయణ రెడ్డి ని తెల్లపాడు పంచాయతీకి చెందిన పలువురు ప్రముఖ నాయకులు బుధవారం మర్యాదపూర్వకంగా కలుసుకున్నారు. సీనియర్ నాయకుడు భూపాల్ రెడ్డి ఆధ్వర్యంలో జరిగిన ఈ భేటీలో మండల కమిటీ సభ్యులు పామూరు బాల్రెడ్డి, రిటైర్డ్ ప్రధానోపాధ్యాయులు నాగేశ్వరరావు, చంద్రగిరి ప్రహ్లాద రెడ్డి, కల్లూరి దుగ్గిరెడ్డి, మొట్టె చెన్నయ్య తదితరులు పాల్గొన్నారు. ఈ సందర్భంగా నియోజకవర్గ ఇంచార్జ్ సూర్యనారాయణ రెడ్డి కి వారు శాలువా కప్పి, పుష్పగుచ్ఛం అందించి ఘనంగా సత్కరించారు.సమస్యల పరిష్కారానికి వినతి:ఈ మర్యాదపూర్వక కలయిక అనంతరం తెల్లపాడు పంచాయతీ పరిధిలో ఎదుర్కొంటున్న పలు ప్రజా సమస్యలను నాయకులు మంచూరు సూర్యనారాయణ రెడ్డి దృష్టికి తీసుకువెళ్లారు. ముఖ్యంగా మౌలిక వసతుల కల్పన, రహదారుల దుస్థితి, తాగునీటి ఎద్దడి, సాగునీటి సరఫరా వంటి స్థానిక ఇబ్బందులను ఆయనకు వివరించారు.గ్రామీణ ప్రాంతాల్లో ఉన్న ఈ దీర్ఘకాలిక సమస్యలను ఉన్నతాధికారుల దృష్టికి తీసుకెళ్లి, త్వరితగతిన పరిష్కరించేలా చొరవ చూపాలని, తమ పంచాయతీ అభివృద్ధికి పూర్తి స్థాయిలో సహకరించాలని వారు ఈ సందర్భంగా విజ్ఞప్తి చేశారు. నాయకులు సమర్పించిన వినతులపై బద్వేల్ నియోజకవర్గ ఇంచార్జ్ శ్రీ మంచూరు సూర్యనారాయణ రెడ్డి గారు సానుకూలంగా స్పందించారు. ప్రజా సమస్యల పరిష్కారమే ధ్యేయంగా తాము పనిచేస్తున్నామని, తెల్లపాడు పంచాయతీలోని ప్రతి సమస్యను క్షుణ్ణంగా పరిశీలించి, సంబంధిత అధికారులతో మాట్లాడి త్వరలోనే పరిష్కారానికి తగిన చర్యలు తీసుకుంటామని ఆయన హామీ ఇచ్చారు. నియోజకవర్గ అభివృద్ధికి పార్టీ తరపున ఎల్లప్పుడూ అండగా ఉంటామని భరోసా ఇచ్చారు.
భారీగా తరలివచ్చిన నాయకులు, కార్యకర్తలు:
ఈ కార్యక్రమంలో తెల్లపాడు పంచాయతీ మరియు మండల స్థాయి ప్రముఖ నాయకులు బీజేముల రోసిరెడ్డి, ఈశ్వర్ రెడ్డి, సుంకే చంద్రశేఖర్, కొవ్వూరి గురయ్య, సిరిగిరి పిచ్చయ్య, సుధాకర్ రెడ్డి, రామ లక్ష్మయ్యలతో పాటు యువ నాయకుడు పంచగల నరసింహులు మరియు పెద్ద సంఖ్యలో పార్టీ కార్యకర్తలు, స్థానిక ప్రజలు పాల్గొన్నారు.
