జనగామ జిల్లా ప్రతినిధి జె.ఉపేందర్, నవంబర్ 20 (ప్రజావాణి ): జిల్లా లోని పాలకుర్తి మండలం, తిగారం గ్రామానికి చెందిన కాంగ్రెస్ పార్టీ పాలకుర్తి మండల అధ్యక్షులు పోగు శ్రీనివాస్ అన్న కుమార్తె మాధవి, రాజశేఖర్ల వివాహ మహోత్సవం మండల కేంద్రంలోని క్లాసిక్ గార్డెన్లో శుక్రవారం ఘనంగా జరిగింది.
ఈ వివాహ వేడుకకు టీపీసీసీ వైస్ ప్రెసిడెంట్ హనుమాండ్ల ఝాన్సీ రాజేందర్ రెడ్డి హాజరయ్యారు. ఈ సందర్భంగా నూతన వధూవరులు మాధవి-రాజశేఖర్లను ఆప్యాయంగా ఆశీర్వదించి, పుష్పగుచ్ఛం అందజేసి వివాహ శుభాకాంక్షలు తెలిపారు.
నూతన దంపతుల వైవాహిక జీవితం సుఖసంతోషాలు, ఆయురారోగ్యాలు, అష్టైశ్వర్యాలతో కలకాలం వర్ధిల్లాలని మనస్ఫూర్తిగా ఆకాంక్షించారు. ఈ సందర్భంగా కుటుంబ సభ్యులతో కొద్దిసేపు ఆత్మీయంగా ముచ్చటించారు.
ఈ కార్యక్రమంలో మండల, గ్రామ నాయకులు, మహిళా నాయకులు, కార్యకర్తలు, బంధుమిత్రులు పాల్గొన్నారు.

