బాల్దే సువర్ణ – మల్లేష్ మనుమడి నామకరణ వేడుకలో పాల్గొన్న మున్సిపల్ చైర్ పర్సన్ బాలమణి శ్రీనివాస్
జనగామ జిల్లా ప్రతినిధి జె.ఉపేందర్, నవంబర్ 04 (ప్రజావాణి):జనగామ పట్టణం 23వ వార్డుకు చెందిన సీనియర్ కాంగ్రెస్ నాయకులు బాల్దే సువర్ణ – మల్లేష్ మనుమడి నామకరణ మహోత్సవ కార్యక్రమం బుధవారం అంగరంగ వైభవంగా జరిగింది.
ఈ వేడుకకు ముఖ్య అతిథిగా జనగామ మున్సిపల్ చైర్ పర్సన్ కడకంచి బాలమణి శ్రీనివాస్ హాజరయ్యారు.
ఈ సందర్భంగా చైర్ పర్సన్ నూతనంగా జన్మించిన చిన్నారిని ఎత్తుకొని ఆప్యాయంగా ఆశీర్వదించారు. చిన్నారికి నిండు నూరేళ్లు ఆయురారోగ్యాలతో, సుఖసంతోషాలతో వర్ధిల్లాలని, అష్టైశ్వర్యాలతో తులతూగాలని మనసారా దీవించారు. చిన్నారి భవిష్యత్తు ఉజ్వలంగా ఉండాలని, ఉన్నత శిఖరాలను అధిరోహించాలని ఆకాంక్షించారు.
బాల్దే కుటుంబం జనగామ పట్టణంలో కాంగ్రెస్ పార్టీకి ఎంతో సేవ చేసిందని, వారి కుటుంబంతో తమకున్న అనుబంధం ఎంతో ప్రత్యేకమైనదని ఈ సందర్భంగా చైర్ పర్సన్ తెలిపారు. ఇలాంటి శుభకార్యంలో పాల్గొనడం ఎంతో సంతోషంగా ఉందని అన్నారు. చిన్నారి తల్లిదండ్రులకు, తాతా నానమ్మలకు, కుటుంబ సభ్యులందరికీ హృదయపూర్వక శుభాకాంక్షలు తెలియజేశారు.
ఈ నామకరణ వేడుకకు స్థానిక 23వ వార్డు కాంగ్రెస్ నాయకులు, కార్యకర్తలు, మహిళా నాయకులు, కుటుంబ సభ్యులు, బంధుమిత్రులు పెద్ద ఎత్తున హాజరై చిన్నారిని ఆశీర్వదించారు.
