పోరుమామిళ్ల,అక్టోబర్ 29 ప్రజావాణి: వైఎస్సార్ కడప జిల్లా పోరుమామిళ్ల మండలం పరిధిలోని దమ్మనపల్లి పంచాయతీలో తెలుగుదేశం పార్టీ (టీడీపీ) ఎంపీటీసీ ఎన్నికల ప్రచారం అత్యంత ఉత్సాహభరిత వాతావరణంలో హోరెత్తింది.బద్వేల్ నియోజకవర్గ టీడీపీ ఇన్‌చార్జి శ్రీ మంచూరి సూర్యనారాయణరెడ్డి ఆదేశాల మేరకు, నియోజకవర్గంలో పార్టీని క్షేత్రస్థాయిలో బలోపేతం చేయడమే కాకుండా స్థానిక సంస్థల ఎన్నికల్లో క్లీన్‌స్వీప్ చేయాలనే పట్టుదలతో నాయకులు,కార్యకర్తలు భారీ ఎత్తున ప్రచార రంగంలోకి దూకారు.దమ్మనపల్లి పంచాయతీ వ్యాప్తంగా టీడీపీ ఎంపీటీసీ అభ్యర్థి లక్కినేని సురేష్ తరఫున నిర్వహించిన ఈ ప్రచార కార్యక్రమం స్థానిక ఓటర్లలో సరికొత్త ఉత్సాహాన్ని నింపింది.
ముమ్మరంగా సాగిన ఇంటింటి ప్రచారం
రాష్ట్ర కార్యనిర్వాహక కార్యదర్శి యనమల సుధాకర్, పోరుమామిళ్ల జడ్పీటీసీ హబీమున్నీసా, స్థానిక ప్రముఖ టీడీపీ నాయకులు చెన్ను రమణ నేతృత్వంలో పార్టీ శ్రేణులు దమ్మనపల్లి పంచాయతీలోని ప్రతి వీధి, ప్రతి ఇంటిని పలకరిస్తూ విస్తృత ప్రచారం నిర్వహించారు. తెలుగుదేశం పార్టీ సాంప్రదాయ పసుపు కండువాలు ధరించిన నాయకులు మహిళలకు, వృద్ధులకు నమస్కరిస్తూ, పార్టీ ఎన్నికల కరపత్రాలను పంపిణీ చేశారు. అభ్యర్థి లక్కినేని సురేష్ వ్యక్తిత్వాన్ని, పంచాయతీ అభివృద్ధికి ఆయన చేయబోయే పనులను ప్రజలకు సుదీర్ఘంగా వివరించారు.ఈ ప్రచారంలో భాగంగా రాష్ట్ర కార్యనిర్వాహక కార్యదర్శి యనమల సుధాకర్ మాట్లాడుతూ. స్థానిక సంస్థల బలోపేతం కేవలం తెలుగుదేశం పార్టీతోనే సాధ్యమవుతుందన్నారు. దమ్మనపల్లి పంచాయతీలో ఇంకా పరిష్కారం కాని ఎన్నో మౌలిక వసతుల సమస్యలను ప్రజలు నాయకుల దృష్టికి తీసుకురాగా, టీడీపీ ఎంపీటీసీ అభ్యర్థి లక్కినేని సురేష్‌ను భారీ మెజారిటీతో గెలిపిస్తే గ్రామాన్ని ఆదర్శవంతంగా తీర్చిదిద్దుతామని హామీ ఇచ్చారు.పోరుమామిళ్ల జడ్పీటీసీ హబీమున్నీసా మాట్లాడుతూ,మహిళల సాధికారతకు మరియు గ్రామీణ ఉపాధికి కూటమి ప్రభుత్వం కట్టుబడి ఉందని, స్థానిక వార్డులలో పారిశుద్ధ్యం, తాగునీరు, అంతర్గత రోడ్ల వంటి ప్రధాన సమస్యలను ప్రాధాన్యత క్రమంలో పరిష్కరిస్తామని చెప్పారు.
కలిసికట్టుగా కదలిన నాయకులు.. బ్రహ్మరథం పట్టిన ప్రజలు
ప్రచారంలో టీడీపీ నాయకులు చెన్ను రమణతో పాటు పలువురు మండల, గ్రామ స్థాయి నాయకులు, అనుబంధ సంఘాల ప్రతినిధులు, పెద్ద సంఖ్యలో మహిళా కార్యకర్తలు పాల్గొన్నారు. గ్రామంలోకి ప్రచార నినాదాలతో ప్రవేశించిన కూటమి శ్రేణులకు స్థానిక ప్రజలు హారతులతో, ఘన స్వాగతం పలికారు.సైకిల్’ గుర్తుకు ఓటు వేసి లక్కినేని సురేష్‌ను అత్యధిక మెజారిటీతో గెలిపించాలని నాయకులు పిలుపునిచ్చారు. స్థానికంగా వ్యక్తమవుతున్న మద్దతును చూస్తుంటే దమ్మనపల్లి పంచాయతీలో తెలుగుదేశం పార్టీ జెండా ఎగరడం ఖాయమని పార్టీ శ్రేణులు ధీమా వ్యక్తం చేశాయి.
