పౌర్ణమికి రాజనాల బండలో రామకోటి

📰 Generate e-Paper Clip

పౌర్ణమికి రాజనాల బండలో రామకోటి

చౌడేపల్లి:

పౌర్ణమి సందర్భంగా అన్నమయ్య జిల్లా చౌడేపల్లి మండలంలోని రాజనాల బండ ఆంజనేయస్వామి ఆలయంలో రామకోటి కార్యక్రమాన్ని భక్తిశ్రద్ధలతో నిర్వహించనున్నట్లు నిర్వాహకులు తెలిపారు. స్థానిక దాతల సహకారంతో ఈ కార్యక్రమాన్ని ఏర్పాటు చేస్తున్నట్లు పేర్కొన్నారు.

శనివారం ఉదయం 5 గంటలకు ప్రారంభమయ్యే రామకోటి కార్యక్రమం ఆదివారం ఉదయం 5 గంటల వరకు 24 గంటలపాటు నిరంతరాయంగా కొనసాగనుంది. కొలతూరు ఓబుల్‌రెడ్డి భక్త ఆంజనేయస్వామి బృందం ఆధ్వర్యంలో రామనామ స్మరణ నిర్వహించనున్నట్లు నిర్వాహకులు తెలిపారు.

కార్యక్రమానికి మైక్‌సెట్‌ రమణ ఆధ్వర్యంలో ధ్వని ఏర్పాట్లు చేస్తున్నారు. స్థానికంగా పలువురు దాతలు ముందుకు వచ్చి కార్యక్రమానికి అవసరమైన సహాయ సహకారాలు అందిస్తున్నట్లు నిర్వాహకులు తెలిపారు. పౌర్ణమి సందర్భంగా ఆలయంలో ప్రత్యేక పూజలు, ఇతర భక్తి కార్యక్రమాలు కూడా నిర్వహించనున్నట్లు చెప్పారు.

రామకోటి కార్యక్రమంలో భక్తులు పెద్ద సంఖ్యలో పాల్గొని రామనామ స్మరణ చేయడంతో పాటు ఆంజనేయస్వామిని దర్శించుకోవాలని నిర్వాహకులు కోరారు. భక్తుల సౌకర్యార్థం అవసరమైన ఏర్పాట్లు చేస్తున్నట్లు తెలిపారు. రామనామ స్మరణతో రాజనాల బండ ఆలయ ప్రాంగణం ఆధ్యాత్మిక శోభను సంతరించుకోనుంది.