📄 ePaper
5pm
7pm
Tuesday, November 17, 2026
📄 ePaper
5pm epaper
7pm epaper
Homeఆంధ్రప్రదేశ్తిమ్మారెడ్డిపల్లె పంచాయతీ సమగ్ర అభివృద్ధే నా ధ్యేయం: సర్పంచ్ అభ్యర్థి చిట్టిబోయిన కోనయ్య

తిమ్మారెడ్డిపల్లె పంచాయతీ సమగ్ర అభివృద్ధే నా ధ్యేయం: సర్పంచ్ అభ్యర్థి చిట్టిబోయిన కోనయ్య

📰 Generate e-Paper Clip

• గ్రామ ప్రజలందరి సహకారంతో ఆదర్శ పంచాయతీగా తీర్చిదిద్దుతామని హామీ

• చిట్టిబోయిన దుర్గయ్య, చిట్టిబోయిన గురమ్మల మద్దతుతో ముమ్మరంగా ఎన్నికల ప్రచారం

పోరుమామిళ్ల కడప జిల్లా నవంబర్ 16ప్రజావాణి గ్రామ పంచాయతీ ఎన్నికల నగారా మోగడంతో వైఎస్ఆర్ కడప జిల్లా పోరుమామిళ్ల మండలంలోని తిమ్మారెడ్డిపల్లె గ్రామ పంచాయతీలో రాజకీయ సందడి ఒక్కసారిగా వేడెక్కింది. ఈ నేపథ్యంలో తిమ్మారెడ్డిపల్లె పంచాయతీ సర్పంచ్ అభ్యర్థిగా బరిలోకి దిగిన చిట్టిబోయిన కోనయ్య తన ఎన్నికల ప్రచారాన్ని ముమ్మరం చేశారు.గ్రామంలోని ప్రతి గడపకూ వెళ్తూ,ఓటర్లను ఆప్యాయంగా పలకరిస్తూ తనకు ఒక్క అవకాశం ఇవ్వాలని ఆయన అభ్యర్థిస్తున్నారు.

ప్రజా సమస్యల పరిష్కారమే ప్రధాన అజెండా

ఈ సందర్భంగా సర్పంచ్ అభ్యర్థి చిట్టిబోయిన కోనయ్య మాట్లాడుతూ,తిమ్మారెడ్డిపల్లె పంచాయతీ పరిధిలోని అన్ని గ్రామాలు, కాలనీల సమగ్ర అభివృద్ధే తన ఏకైక లక్ష్యమని స్పష్టం చేశారు. గ్రామంలో దీర్ఘకాలంగా పెండింగ్‌లో ఉన్న మౌలిక సదుపాయాల కల్పనపై ప్రత్యేక దృష్టి సారిస్తానని తెలిపారు. ప్రధానంగా:

• అంతర్గత సిమెంట్ రోడ్లు, మురుగునీటి కాలువల (డ్రైనేజీ) నిర్మాణం.

• ప్రతి ఇంటికీ స్వచ్ఛమైన తాగునీటి సరఫరా.

• వీధి దీపాల ఏర్పాటు, పారిశుద్ధ్య నిర్వహణలో మెరుగుదల.

• అర్హులైన పేదలకు ప్రభుత్వ సంక్షేమ పథకాలు అందేలా నిరంతరం కృషి చేయడం.

“నన్ను నమ్మి సర్పంచ్‌గా గెలిపిస్తే,పంచాయతీని అన్ని రంగాల్లో అభివృద్ధి చేసి మండలంలోనే ఒక ఆదర్శ గ్రామంగా తీర్చిదిద్దుతాను. పదవి కోసం కాకుండా ప్రజలకు సేవ చేయాలనే తపనతోనే మీ ముందుకు వచ్చాను.గ్రామ ప్రజలందరూ కులమతాలకు అతీతంగా నాకు సహకరించి, అండగా నిలవాలని మనస్ఫూర్తిగా కోరుతున్నాను” అని కోనయ్య విజ్ఞప్తి చేశారు.చిట్టిబోయిన కోనయ్య అభ్యర్థిత్వానికి గ్రామంలో మంచి ఆదరణ లభిస్తోంది. ప్రధాన క్యాండేట్ (మద్దతుదారు) చిట్టిబోయిన దుర్గయ్య, బలపరిచేవారు చిట్టిబోయిన గురమ్మ ఆధ్వర్యంలో గ్రామ పెద్దలు,యువత మరియు మహిళలు పెద్ద ఎత్తున ప్రచారంలో పాల్గొంటున్నారు.గ్రామ అభివృద్ధి కోనయ్య వల్లే సాధ్యమవుతుందని, నిత్యం ప్రజలకు అందుబాటులో ఉండే వ్యక్తిని ఎన్నుకోవాలని వారు ఓటర్లకు వివరిస్తున్నారు. రానున్న ఎన్నికల్లో చిట్టిబోయిన కోనయ్యను భారీ మెజారిటీతో గెలిపించాలని వారు పిలుపునిచ్చారు.

RELATED ARTICLES
- Advertisment -

Most Popular

App Icon

Install PRAJAVAANI App

Add to home screen for faster loading and latest updates.