📄 ePaper
5pm
7pm
Tuesday, November 17, 2026
📄 ePaper
5pm epaper
7pm epaper
Homeఆంధ్రప్రదేశ్నాగలకుంట్ల (సంచర్ల) సర్పంచ్ అభ్యర్థిగా ముత్యాల లక్ష్మీదేవి నామినేషన్ దాఖలు • భారీగా తరలివచ్చిన...

నాగలకుంట్ల (సంచర్ల) సర్పంచ్ అభ్యర్థిగా ముత్యాల లక్ష్మీదేవి నామినేషన్ దాఖలు • భారీగా తరలివచ్చిన నాలుగు గ్రామాల యువత, టీడీపీ శ్రేణులు

📰 Generate e-Paper Clip

• మహిళలు,యువత నుండి వెల్లువెత్తుతున్న సంపూర్ణ మద్దతు

• గ్రామాల సమగ్రాభివృద్ధి,తండ్రి ఆశయ సాధనే లక్ష్యమన్న లక్ష్మీదేవి

పోరుమామిళ్ల: నవంబర్16 ప్రజావాణి మండల పరిధిలోని నాగలకుంట్ల (సంచర్ల) గ్రామ పంచాయతీ సర్పంచ్ పదవికి ముత్యాల లక్ష్మీదేవి సోమవారం నామినేషన్ దాఖలు చేశారు.ఈ సందర్భంగా గ్రామంలో సందడి వాతావరణం నెలకొంది.పంచాయతీ పరిధిలోని నాలుగు గ్రామాలకు చెందిన యువత,తెలుగుదేశం పార్టీ నాయకులు, కార్యకర్తలు మరియు అభిమానులు పెద్ద ఎత్తున తరలివచ్చి ఆమెకు సంఘీభావం తెలిపారు. చదువుకున్న యువత రాజకీయాల్లోకి వచ్చి,గ్రామాల రూపురేఖలు మార్చడంలో క్రియాశీలక పాత్ర పోషించాలనే ఉన్నత ఆశయంతో ముత్యాల లక్ష్మీదేవి ఈ ఎన్నికల బరిలోకి దిగారు.నామినేషన్ దాఖలు ప్రక్రియకు గ్రామంలోని మహిళలు,యువత నుండి విశేష స్పందన లభించింది. తమ గ్రామ అభివృద్ధి కోసం యువ నాయకత్వం ముందుకు రావడం పట్ల గ్రామస్తులు హర్షం వ్యక్తం చేస్తూ, ఆమెకు తమ సంపూర్ణ మద్దతు ఉంటుందని భరోసా ఇచ్చారు.గ్రామాల అభివృద్ధికి నా వంతు కృషి చేస్తా: ముత్యాల లక్ష్మీదేవి నామినేషన్ దాఖలు అనంతరం ముత్యాల లక్ష్మీదేవి మీడియాతో మాట్లాడుతూ గ్రామ ప్రజల పట్ల తనకున్న నిబద్ధతను, భవిష్యత్ ప్రణాళికలను వివరించారు.ప్రజలకు అందుబాటులో ఉంటా: “గ్రామ ప్రజల ఆశీస్సులు, పెద్దల సహకారంతోనే నేను సర్పంచ్ అభ్యర్థిగా ఎన్నికల బరిలో నిలుస్తున్నాను.గెలిచిన తర్వాత నిత్యం ప్రజలకు అందుబాటులో ఉంటూ, వారి కష్టసుఖాల్లో పాలుపంచుకుంటూ సమస్యల పరిష్కారానికి కృషి చేస్తాను” అని ఆమె తెలిపారు.మౌలిక వసతుల కల్పనే ప్రథమ ప్రాధాన్యత: పంచాయతీ పరిధిలోని అన్ని గ్రామాల్లో మౌలిక వసతుల కల్పనకు పెద్దపీట వేస్తానని పేర్కొన్నారు. ప్రధానంగా తాగునీటి సమస్యకు శాశ్వత పరిష్కారం చూపడం, మెరుగైన పారిశుద్ధ్య నిర్వహణ, అంతర్గత రహదారుల నిర్మాణం మరియు మరమ్మతులు, ప్రతి వీధిలో వీధి దీపాలు వెలిగేలా చూడటం తన ప్రధాన లక్ష్యాలని స్పష్టం చేశారు.అర్హులందరికీ సంక్షేమ ఫలాలు: ప్రభుత్వం అమలు చేస్తున్న సంక్షేమ పథకాలు ఎటువంటి పక్షపాతం లేకుండా అర్హులైన ప్రతి పేద కుటుంబానికి అందేలా బాధ్యత తీసుకుంటానని హామీ ఇచ్చారు.తండ్రి ఆశయాలను నెరవేరుస్తా.తన తండ్రి ఆశయాలను ముందుకు తీసుకెళ్లడంతో పాటు,తనపై గ్రామ ప్రజలు ఉంచిన నమ్మకాన్ని వమ్ము చేయకుండా నిలబెట్టుకుంటానని ముత్యాల లక్ష్మీదేవి ఉద్వేగంగా తెలిపారు.నాగలకుంట్ల (సంచర్ల) పంచాయతీని మండలంలోనే ఒక ఆదర్శ పంచాయతీగా తీర్చిదిద్దేందుకు అహర్నిశలు శ్రమిస్తానని, రాబోయే ఎన్నికల్లో తనను ఆశీర్వదించి భారీ మెజారిటీతో గెలిపించాలని ఆమె గ్రామ ప్రజలను కోరారు.ఈ కార్యక్రమంలో పంచాయతీ పరిధిలోని పలు గ్రామాల పెద్దలు,టీడీపీ ముఖ్య నాయకులు,మహిళా సంఘాల సభ్యులు,యువకులు మరియు గ్రామస్తులు అధిక సంఖ్యలో పాల్గొన్నారు.

RELATED ARTICLES
- Advertisment -

Most Popular

App Icon

Install PRAJAVAANI App

Add to home screen for faster loading and latest updates.