శ్రీ దుర్గామాత నిమజ్జన పూజలో పాల్గొన్న మాజీ ఎంపీటీసీ హేమలత సతీష్ దంపతులు
దండేపల్లి, అక్టోబర్ 21 (ప్రజావాణి):
మంచిర్యాల జిల్లా దండేపల్లి మండలం తాళ్లపేట గ్రామంలో ప్రతిష్ఠించిన శ్రీ దుర్గామాతకు నవరాత్రుల సందర్భంగా భక్తిశ్రద్ధలతో ప్రత్యేక పూజలు నిర్వహించారు. 
నవరాత్రులు ముగిసిన సందర్భంగా బుధవారం అమ్మవారికి అభిషేకం చేసి, నిమజ్జన పూజ కార్యక్రమాన్ని ఘనంగా నిర్వహించారు.
ఈ కార్యక్రమంలో తాళ్లపేట గ్రామ మాజీ ఎంపీటీసీ హేమలత సతీష్ దంపతులు తమ కుటుంబ సభ్యులతో కలిసి పాల్గొని అమ్మవారికి ప్రత్యేక పూజలు చేశారు. ఈ సందర్భంగా తాళ్లపేట గ్రామ ప్రజలందరూ సుఖసంతోషాలతో, ఆయురారోగ్యాలతో వర్ధిల్లాలని, గ్రామం పాడిపంటలతో సుభిక్షంగా ఉండాలని, శ్రీ దుర్గామాత ఆశీస్సులు గ్రామస్తులందరిపై ఎల్లప్పుడూ ఉండాలని అమ్మవారిని ప్రార్థించినట్లు వారు తెలిపారు.
అమ్మవారి కృపతో గ్రామంలో శాంతి, సౌభాగ్యం వెల్లివిరియాలని ఆకాంక్షించారు.
శ్రీ దుర్గామాత నిమజ్జన పూజలో పాల్గొన్న మాజీ ఎంపీటీసీ హేమలత సతీష్ దంపతులు
