కుల వివక్షకు వ్యతిరేకంగా ఉద్యమాలను ఉధృతం చేస్తాం – కెవిపిఎస్ రాష్ట్ర ఉపాధ్యక్షులు పాలడుగు నాగార్జున
నల్గొండ జిల్లా ప్రతినిధి ప్రజావాణి
కుల వివక్షకు వ్యతిరేకంగా, దళితులు, గిరిజనులు, పేదల హక్కుల సాధన కోసం రాబోయే రోజుల్లో జిల్లా వ్యాప్తంగా ఉద్యమాలను మరింత ఉధృతం చేసిన కుల వివక్ష వ్యతిరేక పోరాట సంఘం (కెవిపిఎస్) రాష్ట్ర ఉపాధ్యక్షులు పాలడుగు నాగార్జున తెలిపారు. సంక్షేమ హాస్టళ్లలో విద్యార్థులు ఎదుర్కొంటున్న సమస్యలను పరిష్కరించారు, అవసరమైన నిధులు కేటాయించాలని ప్రభుత్వాన్ని డిమాండ్ చేశారు.
కెవిపిఎస్ 29 వ ఆవిర్భావ దినోత్సవాన్ని పురస్కరించుకుని శుక్రవారం నల్లగొండ జిల్లాలో సుభాష్ చంద్రబోస్ విగ్రహం ఎదుట సంఘం జెండాను ఆవిష్కరించి ఆయన మాట్లాడారు.
62 రకాల కుల వివక్షలను వెలుగులోకి తెచ్చిన ఉద్యమం
1998 అక్టోబర్ 2న ఉమ్మడి ఆంధ్రప్రదేశ్‌లో కుల వివక్ష వ్యతిరేక పోరాట సంఘం ఆధ్వర్యంలో నిర్వహించిన పాదయాత్రల ద్వారా గ్రామీణ ప్రాంతాల్లో కొనసాగుతున్న 62 రకాల కుల వివక్ష రూపాలు వెలుగులోకి వచ్చాయని నాగార్జున తెలిపారు. ఈ వివక్షలకు వ్యతిరేకంగా చేపట్టిన ఉద్యమాల ఫలితంగా అసెంబ్లీలో చర్చ జరిగి, వివిధ సమస్యల పరిష్కారానికి సంబంధించి 106 ప్రభుత్వ ఉత్తర్వులు వెలువడ్డాయని పేర్కొన్నారు. ఎస్సీ, ఎస్టీ సబ్‌ప్లాన్ కింద నిధుల కేటాయింపు, దళితుల స్మశాన వాటికలకు భూమి కేటాయింపు వంటి అంశాల్లో సంఘం పోరాటాలు కీలక పాత్ర పోషించాయని గుర్తుచేశారు. జస్టిస్ పున్నయ్య కమిషన్, కోనేరు రంగారావు కమిటీ సిఫారసుల అమలుతోపాటు దళితులు, గిరిజనులు, పేదల హక్కుల కోసం కెవిపిఎస్ నిరంతరం పోరాటాలు నిర్వహిస్తోందన్నారు. అయినప్పటికీ నేటికీ కులం పేరుతో దూషణలు, దాడులు, హత్యలు, కులాంతర వివాహాలు చేసుకున్న వారిపై దాడులు కొనసాగడం ఆందోళనకరమన్నారు. భూమి, గట్టు వంటి వివాదాల్లోనూ దళితులు వివక్షను ఎదుర్కొంటున్నారని ఆవేదన వ్యక్తం చేశారు.
సంక్షేమ హాస్టళ్లకు నిధులు కేటాయించాలి
సంక్షేమ హాస్టళ్లలో విద్యార్థులకు మెస్ ఛార్జీలు పెంచడంతోపాటు నాణ్యమైన భోజనం, దుస్తులు, ప్లేట్లు, గ్లాసులు, తాగునీరు, ఇతర కనీస సౌకర్యాలు కల్పించాలని నాగార్జున డిమాండ్ చేశారు. హాస్టళ్ల నిర్వహణకు సరిపడా నిధులు కేటాయించకుండా విద్యార్థుల భవిష్యత్తును నిర్లక్ష్యం చేయడం తగదన్నారు. చదువుకున్న నిరుద్యోగ యువతకు ఉపాధి అవకాశాలు కల్పించాలని, విద్యార్థుల విద్యా హక్కులను పరిరక్షించాలని కోరారు. కుల వివక్షకు తోడు పేదరికం, నిరుద్యోగం దళితుల జీవితాలను మరింత దుర్భరంగా మారుస్తున్నాయని తెలిపారు. దేవాలయాల్లో ప్రవేశం నుంచి ఉద్యోగ ప్రదేశాల వరకు వివక్ష కొనసాగడం బాధాకరమన్నారు. రాజ్యాంగం కల్పించిన సమానత్వ హక్కులు ప్రతి ఒక్కరికీ అందేలా ప్రభుత్వాలు చర్యలు తీసుకోవాలని కోరారు.
రాజ్యాంగాన్ని కాపాడుకోవడం ప్రతి పౌరుడి బాధ్యత
డాక్టర్ గాదె లింగస్వామి మాట్లాడుతూ భారత రాజ్యాంగాన్ని కాపాడుకోవడం ప్రతి పౌరుడి బాధ్యత అని అన్నారు. డాక్టర్ బి.ఆర్. అంబేడ్కర్ అందించిన రాజ్యాంగ ఫలాలు దళితులు, గిరిజనులు, పేదలకు పూర్తిస్థాయిలో అందడం లేదని పేర్కొన్నారు. బడ్జెట్‌లో తగిన నిధులు కేటాయించకపోవడంతో సంక్షేమ కార్యక్రమాలు నీరుగారుతున్నాయని విమర్శించారు. ప్రతి పౌరుడు తన ఓటు హక్కును వినియోగించుకోవాలని, ఓటర్ల జాబితా నుంచి అర్హులైన వారి పేర్లు తొలగించకుండా ఎన్నికల వ్యవస్థ పారదర్శకంగా ఉండాలని కోరారు. పేదలకు ఉచిత విద్య, వైద్యం అందించాలని డిమాండ్ చేశారు. లెక్చరర్, కవి, రచయిత లింగమూర్తి మాట్లాడుతూ చదువు ద్వారానే విజ్ఞానం, సామాజిక చైతన్యం పెరుగుతాయని తెలిపారు. విద్యార్థులు సమాజాన్ని అధ్యయనం చేసి, కుల వివక్షకు, మతం పేరుతో జరిగే మారణహోమాలకు వ్యతిరేకంగా ప్రశ్నించే గొంతుకలుగా ఎదగాలని పిలుపునిచ్చారు.
హక్కుల సాధన కోసం నిరంతర పోరాటం
దళితుల, సంక్షేమం, సామాజిక సమానత్వం సాధించే వరకు కెపిఎస్ పోరాటాల కోసం నాగార్జున హక్కులు కల్పించారు. సంక్షేమ హాస్టళ్ల సమస్యల పరిష్కారం, మెరుగైన వసతులు, బడ్జెట్‌లో తగిన నిధుల కేటాయింపు, ఉపాధి కల్పన వంటి డిమాండ్ల సాధన కోసం జిల్లా వ్యాప్తంగా ఉద్యమాలు జరిగాయి. ఈ కార్యక్రమంలో కెవిపిఎస్ జిల్లా ఉపాధ్యక్షులు గాదె నరసింహ, సహాయ కార్యదర్శులు కోడిరెక్క మల్లన్న, బొల్లు రవీంద్రకుమార్, ఒంటెపాక కృష్ణ, డీవైఎఫ్‌ఐ జిల్లా కార్యదర్శి మల్లం మహేష్, ఎస్‌ఎఫ్‌ఐ డివిజన్ కార్యదర్శి కిరణ్‌కుమార్, బొంగురాల వెంకటయ్య, శంకర్, స్వామి, నరేష్, నాగన్న, రాంబాబు, నాగరాజు శ్రీకాంత్ తదితరులున్నారు.
