జగిత్యాల జిల్లా ఎండపల్లి మండల పరిషత్ కార్యాలయంలో సోమవారం నిర్వహించిన ప్రజావాణిలో ప్రజల నుండి 6 దరఖాస్తులను స్వీకరించారు. ఎంపీడీవో డి కృపాకర్ ఆధ్వర్యంలో జరిగిన ఈ కార్యక్రమంలో మండల పరిషత్‌కు 3, రెవెన్యూ శాఖకు 2, ఇందిరమ్మ ఇళ్లకు 1 అర్జీ వచ్చాయి. అర్జీలను పరిశీలించిన ఎంపీడీవో, ప్రజల సమస్యలను త్వరితగతిన పరిష్కరించాలని అధికారులను ఆదేశించారు. ఈ కార్యక్రమంలో తహశీల్దార్ అనిల్ కుమార్, వ్యవసాయాధికారి మహేష్‌తో పాటు 11 మంది వివిధ శాఖల అధికారులు పాల్గొన్నారు.
