*మంచాల శ్రీ చండీశ్వర గణేష్ ఉత్సవ కమిటీ,* *కురుమ సంఘం ఆధ్వర్యంలో ఘనంగా మహా అన్నదానం*
మంచాల, సెప్టెంబర్ 20:
రంగారెడ్డి జిల్లా మంచాల మండల కేంద్రంలోని మంచాల గ్రామంలో శ్రీ చండీశ్వర గణేష్ ఉత్సవ కమిటీ, కురుమ సంఘం ఆధ్వర్యంలో ఆదివారం మహా అన్నదాన కార్యక్రమాన్ని భక్తిశ్రద్ధలతో నిర్వహించారు. అన్నప్రసాద దాతలు శ్రీ కొనల వసంత–శ్రీశైలం కురుమ ఆధ్వర్యంలో ఈ కార్యక్రమాన్ని నిర్వహించారు.
గణనాథుడి దర్శనానికి వచ్చిన భక్తులు, గ్రామస్థులు, చుట్టుపక్కల ప్రాంతాల ప్రజలు పెద్ద సంఖ్యలో అన్నదాన కార్యక్రమంలో పాల్గొని ప్రసాదాన్ని స్వీకరించారు. ఉదయం నుంచి సాయంత్రం నాలుగు గంటల వరకు అన్నదాన కార్యక్రమం కొనసాగింది.
భక్తులకు ఎలాంటి ఇబ్బందులు కలగకుండా ఉత్సవ కమిటీ సభ్యులు ప్రత్యేక ఏర్పాట్లు చేశారు. భక్తులకు క్రమబద్ధంగా భోజనం వడ్డిస్తూ సేవాభావాన్ని చాటుకున్నారు. అన్నదానానికి వచ్చిన ప్రతి ఒక్కరికీ సంతృప్తికరంగా భోజనం అందేలా నిర్వాహకులు ప్రత్యేక శ్రద్ధ తీసుకున్నారు.
మహా అన్నదాన కార్యక్రమంతో కురుమ సంఘం ప్రాంగణం భక్తులతో సందడిగా మారింది. కార్యక్రమాన్ని విజయవంతం చేసేందుకు ఉదయం నుంచే శ్రమించిన శ్రీ చండీశ్వర గణేష్ ఉత్సవ కమిటీ సభ్యులను గ్రామస్థులు అభినందించారు. గణనాథుడి ఆశీస్సులతో గ్రామంలో సుఖశాంతులు, ఐశ్వర్యం వెల్లివిరియాలని భక్తులు ఆకాంక్షించారు.
