*కార్తీక మాసం 11వ రోజు కడారి జంగయ్య ఇంట్లో భక్తిశ్రద్ధలతో కార్తీక భజన కార్యక్రమం*
*భక్తి గీతాలు, భజన కీర్తనలతో మార్మోగిన ఇల్లు.. ఆధ్యాత్మిక వాతావరణంలో భక్తులు*
ఉమ్మడి రంగారెడ్డి జిల్లా, నవంబర్ 22 (ప్రజావాణి): మంచాల మండలంలో కార్తీక మాసాన్ని పురస్కరించుకొని నిర్వహిస్తున్న ప్రత్యేక భజన కార్యక్రమాలు భక్తిశ్రద్ధలతో కొనసాగుతున్నాయి. ఇందులో భాగంగా 11వ రోజు భజన కార్యక్రమాన్ని కడారి జంగయ్య ఇంట్లో ఘనంగా నిర్వహించారు. ఈ సందర్భంగా భజన మండలి సభ్యులు ప్రత్యేకంగా సమావేశమై భక్తి గీతాలు, భజన కీర్తనలు ఆలపిస్తూ భగవంతుని నామస్మరణ చేశారు.
భజన పాటలు, కీర్తనలతో ఆ ప్రాంతమంతా ఆధ్యాత్మిక శోభను సంతరించుకుంది. భక్తులు భక్తిపారవశ్యంలో మునిగితేలుతూ భజన కార్యక్రమంలో ఉత్సాహంగా పాల్గొన్నారు. కార్తీక మాసంలో భగవంతుని నామస్మరణ చేయడం, భజనలు నిర్వహించడం వల్ల మనసుకు ప్రశాంతత లభించడంతో పాటు ఆధ్యాత్మిక చింతన పెంపొందుతుందని ఈ సందర్భంగా పలువురు పేర్కొన్నారు.
కార్తీక మాసం సందర్భంగా ప్రతిరోజూ ఒక్కో రోజు ఒక్కో ఇంట్లో భజన కార్యక్రమాలు నిర్వహిస్తూ గ్రామంలో భక్తిభావాన్ని చాటుతున్నారు. ఈ కార్యక్రమాల ద్వారా గ్రామస్తుల మధ్య ఐక్యత, సోదరభావం పెంపొందడంతో పాటు యువతలోనూ భక్తి, ఆధ్యాత్మిక విలువలపై ఆసక్తి పెరుగుతోందని నిర్వాహకులు తెలిపారు.
కార్తీక మాసం ముగిసే వరకు ఇదే విధంగా భజన కార్యక్రమాలను కొనసాగిస్తూ భగవంతుని కృపకు పాత్రులు కావాలని భక్తులు ఆకాంక్షించారు. ఈ కార్యక్రమంలో భజన మండలి సభ్యులు, కడారి జంగయ్య కుటుంబ సభ్యులు, పలువురు భక్తులు, గ్రామస్తులు తదితరులు పాల్గొన్నారు.

