*నూతనకల్‌లో సీసీ రోడ్డు పనుల పరిశీలన
*
*పనుల నాణ్యతపై దృష్టి సారించిన చైర్‌పర్సన్ శ్రీదేవి రమేష్, కౌన్సిలర్లు*
మేడ్చల్ నేటి ప్రస్థానం: ఎల్లంపేట మున్సిపాలిటీ పరిధిలోని నూతనకల్ 21వ వార్డులో చేపడుతున్న సీసీ రోడ్డు నిర్మాణ పనులను మున్సిపల్ చైర్‌పర్సన్ శ్రీదేవి రమేష్, కౌన్సిలర్లు పరిశీలించారు. వార్డులో జరుగుతున్న రోడ్డు నిర్మాణ పనుల పురోగతిని పరిశీలించి, పనులు నాణ్యతా ప్రమాణాలకు అనుగుణంగా పూర్తయ్యేలా చర్యలు తీసుకోవాలని సూచించారు. ఈ సందర్భంగా వార్డులో ప్రజలకు అవసరమైన మౌలిక సదుపాయాల కల్పనలో భాగంగా సీసీ రోడ్ల నిర్మాణం చేపట్టడం ద్వారా రాకపోకలకు సౌకర్యం కలుగుతుందని పేర్కొన్నారు. ముఖ్యంగా రోడ్లు సక్రమంగా నిర్మించడం వల్ల స్థానిక ప్రజలు ఎదుర్కొంటున్న రవాణా ఇబ్బందులు తగ్గుతాయని తెలిపారు. నిర్మాణ పనుల్లో నాణ్యతకు ప్రాధాన్యతనిస్తూ, నిర్దేశిత ప్రమాణాల ప్రకారం పనులు చేపట్టాలని సూచించారు. మున్సిపాలిటీ పరిధిలోని వివిధ వార్డుల్లో ప్రజలకు అవసరమైన మౌలిక సదుపాయాలను మెరుగుపరిచేందుకు కృషి చేస్తున్నట్లు ఈ సందర్భంగా తెలిపారు. అభివృద్ధి పనులు ప్రజలకు ఉపయోగపడేలా ఉండాలని, నిర్మాణ పనుల విషయంలో సంబంధిత అధికారులు తగిన పర్యవేక్షణ చేపట్టాలని సూచించారు.
ఈ కార్యక్రమంలో మున్సిపల్ చైర్‌పర్సన్ శ్రీదేవి రమేష్, కౌన్సిలర్లు చిన్నోళ్ల భాస్కర్, సద్ది సురేష్ రెడ్డి, మాజీ సర్పంచ్ కవిత జీవన్, మాజీ వార్డు సభ్యులు యూనుస్ పాషా, మహేందర్ రెడ్డి తదితరులు పాల్గొన్నారు.
