జవహర్‌నగర్‌, అక్టోబర్ 14(ప్రజావాణి):- పోక్సో కేసులో నిందితుడికి మూడేళ్ల జైలు శిక్ష విధిస్తూ మేడ్చల్‌ జిల్లా ఫాస్ట్‌ట్రాక్‌ ప్రత్యేక న్యాయస్థానం బుధవారం తీర్పు వెలువరించింది. ఈ కేసులో నిందితుడు కలాశెట్టి దినేష్‌కుమార్‌కు వివిధ సెక్షన్ల కింద శిక్షలు, జరిమానాలు విధించడంతో పాటు బాధితురాలికి రూ.50 వేల పరిహారం అందించాలని ఆదేశించింది. పోలీసుల వివరాల ప్రకారం జవహర్‌నగర్‌ పోలీస్‌స్టేషన్‌లో 2018లో ఐపీసీ సెక్షన్లు 354, 448తో పాటు పోక్సో చట్టం-2012లోని సెక్షన్‌ 8 కింద కేసు నమోదైంది. ఈ కేసుకు సంబంధించి ఎస్సీ నంబర్‌ 152/2020గా విచారణ కొనసాగింది. కేసులో నిందితుడిగా ఉన్న మేడ్చల్‌ జిల్లా కాప్రా, బాలాజీనగర్‌, సంతోష్‌నగర్‌కు చెందిన కలాశెట్టి దినేష్‌కుమార్‌ (20)పై విచారణ అనంతరం న్యాయస్థానం దోషిగా నిర్ధారిస్తూ తీర్పు ఇచ్చింది. వివిధ సెక్షన్ల కింద శిక్షలు, జరిమానాలు
ఐపీసీ సెక్షన్‌ 448 కింద జైలు శిక్షతో పాటు రూ.1,000 జరిమానా, సెక్షన్‌ 354 కింద రెండేళ్ల జైలు శిక్షతో పాటు రూ.1,000 జరిమానా, పోక్సో చట్టంలోని సెక్షన్‌ 8 కింద మూడేళ్ల జైలు శిక్షతో పాటు రూ.2,000 జరిమానా విధించినట్లు పోలీసుల ప్రకటనలో పేర్కొన్నారు. బాధితురాలికి రూ.50,000 పరిహారం మంజూరు చేశారు. ఈ కేసులో దర్యాప్తు అధికారిగా జవహర్‌నగర్‌ పోలీస్‌స్టేషన్‌ సబ్‌ఇన్‌స్పెక్టర్‌ ఎస్‌. సైదులు వ్యవహరించారు. ప్రత్యేక పబ్లిక్‌ ప్రాసిక్యూటర్‌ జి. ప్రభాకర్‌ కేసు విచారణలో వాదనలు వినిపించారు.
.
జవహర్‌నగర్‌ పోక్సో కేసులో నిందితుడికి మూడేళ్ల జైలు శిక్ష
RELATED ARTICLES
