ఘట్కేసర్, ఏప్రిల్ 29 (ప్రజావాణి): మినర్వా గ్రామర్ హై స్కూల్ ఈ విద్యాసంవత్సరం SSC పరీక్షల్లో 100 శాతం ఉత్తీర్ణత సాధించి విశిష్ట విజయాన్ని నమోదు చేసుకుంది. పాఠశాల విద్యార్థులందరూ ఉత్తీర్ణత సాధించడం విద్యా నాణ్యతకు నిదర్శనంగా నిలిచింది.
ఈ విజయానికి అనుభవజ్ఞులైన ఉపాధ్యాయుల కృషి, విద్యార్థుల పట్టుదల, తల్లిదండ్రుల సహకారం ప్రధాన కారణాలని పాఠశాల యాజమాన్యం పేర్కొంది. విద్యార్థుల సమగ్ర అభివృద్ధికి పాఠశాల నిరంతరం కృషి చేస్తోందని తెలిపింది.
పాఠశాల టాపర్గా బొండాల ప్రణీత్ రాజ్ 555 మార్కులు సాధించగా, షాహ్నున్నిసా 543 మార్కులు, షబ్నమ్ ఫాతిమా బేగం 537 మార్కులతో తదుపరి స్థానాల్లో నిలిచారు. అదనంగా, పాఠశాలలో 8 మంది విద్యార్థులు 500కి పైగా మార్కులు సాధించడం విశేషం. మిగతా విద్యార్థులు కూడా ఉత్తీర్ణత సాధించి పాఠశాల ప్రతిష్టను నిలబెట్టారు.
ఈ సందర్భంగా పాఠశాల ప్రిన్సిపల్ శ్రీమతి వి. అనురాధ యాదవ్ మరియు డైరెక్టర్ శ్రీ వి. రవి కుమార్ యాదవ్ విద్యార్థులను అభినందిస్తూ, భవిష్యత్తులో మరింత ఉన్నత శిఖరాలను అధిరోహించాలని ఆకాంక్షించారు. సిబ్బంది, తల్లిదండ్రులు, విద్యార్థులకు హృదయపూర్వక శుభాకాంక్షలు తెలిపారు.
