📄 ePaper
5pm
7pm
Tuesday, November 17, 2026
📄 ePaper
5pm epaper
7pm epaper
HomeతెలంగాణSiddipetజాతీయస్థాయి సాఫ్ట్‌బాల్ పోటీలకు గట్ల మల్యాల విద్యార్థిని ఎంపిక

జాతీయస్థాయి సాఫ్ట్‌బాల్ పోటీలకు గట్ల మల్యాల విద్యార్థిని ఎంపిక

📰 Generate e-Paper Clip

 

నంగునూరు, సెప్టెంబర్‌ 26:సిద్దిపేట జిల్లా గట్ల మల్యాల పాఠశాలకు చెందిన 9వ తరగతి విద్యార్థిని బానోతు దీపిక జాతీయస్థాయి సాఫ్ట్‌బాల్ పోటీలకు ఎంపికై పాఠశాలకు, గ్రామానికి గర్వకారణంగా నిలిచింది.ఈ నెల 18, 19, 20 తేదీల్లో నిజామాబాద్‌లో నిర్వహించిన రాష్ట్రస్థాయి సాఫ్ట్‌బాల్ పోటీల్లో బానోతు దీపిక ప్రతిభ కనబరిచి జాతీయస్థాయి పోటీలకు ఎంపికైంది. రాష్ట్రస్థాయి పోటీల్లో అత్యుత్తమ ప్రతిభను ప్రదర్శించిన ఆమెకు జాతీయస్థాయి పోటీల్లో పాల్గొనే అవకాశం లభించింది.ఈ నెల 27, 28, 29 తేదీల్లో మహారాష్ట్రలోని ఛత్రపతి శంభాజీనగర్‌లో నిర్వహించనున్న జాతీయస్థాయి సాఫ్ట్‌బాల్ పోటీల్లో బానోతు దీపిక పాల్గొననున్నట్లు పాఠశాల ప్రధానోపాధ్యాయులు ఎం. రమేష్ తెలిపారు.విద్యార్థిని జాతీయస్థాయికి ఎంపిక కావడం పట్ల పాఠశాల ఆప్‌కమిటీ చైర్మన్ తిరుమల, గ్రామ సర్పంచ్ ఇంగ నరేష్, ఉపసర్పంచ్ తిప్పని శ్రీను, హాస్టల్ వార్డెన్, గ్రామ పెద్దలు, పాఠశాల ఉపాధ్యాయులు హర్షం వ్యక్తం చేసి దీపికను అభినందించారు. జాతీయస్థాయి పోటీల్లోనూ ప్రతిభ కనబరిచి విజయం సాధించాలని ఆకాంక్షించారు.అదేవిధంగా విద్యార్థిని బానోతు దీపికకు సాఫ్ట్‌బాల్‌లో శిక్షణనిస్తూ ప్రోత్సహించిన వ్యాయామ ఉపాధ్యాయుడు దర్శనాల రాజ్‌కుమార్ను పాఠశాల సిబ్బంది, గ్రామ పెద్దలు అభినందించారు.గ్రామీణ ప్రాంతానికి చెందిన విద్యార్థిని క్రీడారంగంలో రాష్ట్రస్థాయి నుంచి జాతీయస్థాయికి ఎదగడం పట్ల గ్రామస్తులు ఆనందం వ్యక్తం చేస్తున్నారు. దీపిక జాతీయస్థాయిలోనూ అద్భుత ప్రతిభ కనబరిచి పాఠశాలకు, గట్ల మల్యాల గ్రామానికి మంచి పేరు తీసుకురావాలని ఆకాంక్షిస్తున్నారు.

RELATED ARTICLES
- Advertisment -

Most Popular

App Icon

Install PRAJAVAANI App

Add to home screen for faster loading and latest updates.