వారసత్వ భూముల బదలాయింపుపై ఆంధ్రప్రదేశ్ ప్రభుత్వం చారిత్రాత్మక నిర్ణయం తీసుకుంది

📰 Generate e-Paper Clip

అమరావతి జూలై 30 ప్రజావాణి వారసత్వ భూముల బదలాయింపుపై ఆంధ్రప్రదేశ్ ప్రభుత్వం చారిత్రాత్మక నిర్ణయం తీసుకుంది.రైతులు భూ యజమానులకు ఎంతో కాలంగా ఉన్న రెవెన్యూ ఇబ్బందులను తొలగిస్తూ, ప్రక్రియను అత్యంత సరళతరం చేస్తూ’ఆటో-మ్యుటేషన్'(ఆటోమేటిక్ పేరు మార్పిడి) విధానాన్ని అమల్లోకి తెచ్చింది.ఈ కొత్త సంస్కరణ ద్వారా ఇకపై ప్రజలు మ్యుటేషన్ కోసం లేదా పట్టాదారు పాసు పుస్తకాల కోసం ప్రభుత్వ కార్యాలయాల చుట్టూ,అధికారుల చుట్టూ తిరగాల్సిన అవస్థలు పూర్తిగా తప్పనున్నాయి.ఈ నూతన విధానానికి సంబంధించిన పూర్తి వివరాలు, నిబంధనలు మరియు ప్రజలకు కలిగే ప్రయోజనాలు క్రింది విధంగా ఉన్నాయి:
1.ఆటో-మ్యుటేషన్ విధానం అంటే ఏమిటి? గతంలో తాతలు, తండ్రులు లేదా తల్లిదండ్రులు మరణించిన తర్వాత వారి వ్యవసాయ భూములను వారసుల పేరు మీదకు మార్చుకోవాలంటే పెద్ద ప్రహసనంగా ఉండేది. సబ్ రిజిస్ట్రార్ కార్యాలయంలో రిజిస్ట్రేషన్ చేయించుకున్నాక,మళ్లీ రెవెన్యూ రికార్డుల్లో (అడంగల్,1-బి) పేరు మార్పిడి (మ్యుటేషన్) కోసం తహశీల్దార్ ఆఫీసుల చుట్టూ నెలల తరబడి తిరగాల్సి వచ్చేది.కానీ, తాజా ఆటో-మ్యుటేషన్ విధానం ప్రకారం:సబ్ రిజిస్ట్రార్ ఆఫీసులో వారసత్వ ఆస్తుల పంపకాల దస్తావేజు  రిజిస్ట్రేషన్ ప్రక్రియ విజయవంతంగా పూర్తయిన వెంటనే,ఆ సమాచారం ఆన్‌లైన్ ద్వారా నేరుగా రెవెన్యూ శాఖకు చేరుకుంటుంది.లాంటి అదనపు దరఖాస్తులు లేదా దళారుల ప్రమేయం లేకుండా,ఆటోమేటిక్‌గా రెవెన్యూ రికార్డుల్లో వారసుల పేర్లు అప్‌డేట్ అవుతాయి.దీనివల్ల సమయం వృధా కాకుండా కొన్ని రోజుల్లోనే కొత్త పట్టాదారు పాసు పుస్తకాలు పొందే వెసులుబాటు లభిస్తుంది.2.నామమాత్రపు స్టాంప్ డ్యూటీ –కేవలం రూ.100 మాత్రమే!వారసత్వ భూముల బదలాయింపుల వల్ల కుటుంబాలపై భారీ ఆర్థిక భారం పడకుండా ప్రభుత్వం స్టాంప్ డ్యూటీని భారీగా తగ్గించింది రూ.10 లక్షల లోపు విలువైన భూములకు రిజిస్ట్రేషన్ స్టాంప్ డ్యూటీ ఫీజును కేవలం రూ. 100 గానే నిర్ణయించారు.రూ.10 లక్షల కంటే ఎక్కువ విలువైన భూములకు:కేవలం రూ.1,000 చెల్లిస్తే సరిపోతుంది.ఈ నిర్ణయం వల్ల ముఖ్యంగా పేద,మధ్యతరగతి రైతు కుటుంబాలకు వేల రూపాయల ఆదా అవుతుంది.3.వీలునామా లేకపోతే ‘ఎఫ్ఎంసీ’తప్పనిసరి!భూమి యజమాని ఎటువంటి వీలునామా రాయకుండా మరణించిన సందర్భాల్లో,సదరు భూమిని వారసుల పేరు మీదకు మార్చే సమయంలో కొన్ని జాగ్రత్తలు తప్పనిసరి చేసింది.ఒకవేళ లీగల్ వీలునామా లేకపోతే,రిజిస్ట్రేషన్ సమయంలో ఫ్యామిలీ మెంబర్ సర్టిఫికేట్ లేదా లీగల్ హెయిర్ సర్టిఫికేట్ సమర్పించడం తప్పనిసరి.దీనివల్ల భవిష్యత్తులో కుటుంబ సభ్యుల మధ్య ఎటువంటి లీగల్ వివాదాలు,తప్పుడు రిజిస్ట్రేషన్లు జరగకుండా అడ్డుకోవచ్చు. ప్రజలకు కలిగే ప్రధాన ప్రయోజనాలు: కార్యాలయాల చుట్టూ తిరిగే తిప్పలు తప్పుతాయి విలేజ్ రెవెన్యూ అధికారులు,తహశీల్దార్ ఆఫీసుల చుట్టూ రోజుల తరబడి తిరగాల్సిన పనిలేదు.అవినీతికి అడ్డుకట్ట ఆన్‌లైన్ ద్వారా ఆటో-మ్యుటేషన్ జరగడం వల్ల మధ్యవర్తుల ప్రమేయం,లంచాల వేధింపులు పూర్తిగా నశిస్తాయి.సులభంగా రుణాలు రెవెన్యూ రికార్డులలో పేర్లు వెంటనే అప్‌డేట్ అవ్వడం వల్ల,రైతులు తమ భూములపై బ్యాంకు రుణాలను సులభంగా పొందే వీలుంటుంది.ఆంధ్రప్రదేశ్ ప్రభుత్వం ప్రవేశపెట్టిన ఈ ‘రిజిస్ట్రేషన్ మరియు రెవెన్యూ’ సేవల అనుసంధానం, రాష్ట్రంలోని లక్షలాది మంది రైతులకు పెద్ద ఊరటనిచ్చే విప్లవాత్మక అడుగుగా చెప్పవచ్చు.