బెజ్జంకి, జూన్ 17(ప్రజావాణి)
సిద్దిపేట జిల్లా బెజ్జంకి మండల వడ్డెర సంఘం నూతన కమిటీ సభ్యులకు చీలాపూర్ గ్రామ సర్పంచ్ స్వరూప భాస్కరాచారి శుభాకాంక్షలు తెలిపారు. మండల వడ్డెర సంఘం అధ్యక్షుడిగా చీలాపూర్పల్లె గ్రామానికి చెందిన సురేష్, ప్రధాన కార్యదర్శిగా కుంచం రాజు, యూత్ అధ్యక్షుడిగా దాండ్ల రాము నియామకమైన సందర్భంగా వారిని శాలువాలతో సత్కరించి ఘనంగా సన్మానించారు.ఈ సందర్భంగా సర్పంచ్ స్వరూప భాస్కరాచారి మాట్లాడుతూ, వడ్డెర సంఘం నూతన కమిటీ సభ్యులు తమ కుల అభివృద్ధికి కృషి చేస్తూ అన్ని రంగాల్లో పురోగతి సాధించాలని ఆకాంక్షించారు. సమాజ శ్రేయస్సు కోసం ఐక్యంగా పనిచేసి యువతకు ఆదర్శంగా నిలవాలని సూచించారు.ఈ కార్యక్రమంలో యువజన కాంగ్రెస్ రాష్ట్ర అధికార ప్రతినిధి శ్రవణ్ కుమార్ షనగొండ, చీలాపూర్పల్లె గ్రామ వార్డు సభ్యుడు అంజుమల్ల దేవరాజు తదితరులు పాల్గొన్నారు.
