పాఠశాల సిబ్బంది సమగ్ర వివరాల సేకరణ పూర్తి
జిల్లా కలెక్టర్, జిల్లా విద్యాధికారికి పెద్దపల్లి జిల్లా పీఈటీల కృతజ్ఞతలు
పెద్దపల్లి: జిల్లా కలెక్టర్, జిల్లా మేజిస్ట్రేట్ ఆదేశాల మేరకు, జిల్లా విద్యాశాఖ ఆధ్వర్యంలో పెద్దపల్లి జిల్లా వ్యాప్తంగా అన్ని ప్రభుత్వ పాఠశాలల్లో పాఠశాల సిబ్బందికి సంబంధించిన సమగ్ర వివరాల పట్టిక తయారు చేసే కార్యక్రమాన్ని చేపట్టారు. గత 30 రోజులుగా కొనసాగిన ఈ కార్యక్రమం నిన్నటితో విజయవంతంగా పూర్తయింది.
ఈ కార్యక్రమంలో భాగంగా జిల్లాలోని వివిధ పాఠశాలలను సందర్శించిన పెద్దపల్లి జిల్లా పీఈటీలు, పాఠశాల సిబ్బందికి సంబంధించిన వివరాలను సేకరించి, పరిశీలించి, సమగ్రంగా నమోదు చేసే బాధ్యతలను సమర్థవంతంగా నిర్వహించారు. ఈ ప్రత్యేక విధుల్లో పాల్గొనేందుకు ఆన్ డ్యూటీ అవకాశం కల్పించి, తమ సేవలను వినియోగించుకున్నందుకు జిల్లా కలెక్టర్ గారిని, జిల్లా విద్యాధికారి గారిని పీఈటీల ప్రతినిధులు మర్యాదపూర్వకంగా కలిసి హృదయపూర్వక కృతజ్ఞతలు తెలిపారు.
తమపై నమ్మకం ఉంచి ఇంత కీలకమైన బాధ్యతను అప్పగించినందుకు జిల్లా కలెక్టర్ గారికి ప్రత్యేక ధన్యవాదాలు తెలియజేశారు. అలాగే కార్యక్రమాన్ని సమన్వయం చేస్తూ, విధుల నిర్వహణలో అవసరమైన సహకారం, మార్గదర్శకత్వం అందించిన జిల్లా విద్యాధికారి గారికి కూడా పెద్దపల్లి జిల్లా పీఈటీలు కృతజ్ఞతలు తెలిపారు.
తమకు అప్పగించిన బాధ్యతను విజయవంతంగా పూర్తి చేయడానికి అవకాశం కల్పించడం పట్ల పీఈటీలు సంతోషం వ్యక్తం చేశారు.
భవిష్యత్తులో కూడా విద్యాశాఖ ఆధ్వర్యంలో నిర్వహించే వివిధ కార్యక్రమాల్లో తమ వంతు బాధ్యతను అంకితభావంతో, సమర్థవంతంగా నిర్వర్తిస్తూ, విద్యాశాఖ అభివృద్ధికి పూర్తి సహకారం అందిస్తామని తెలిపారు.
