ఘనంగా ముఖ్యమంత్రి చంద్రబాబు నాయుడు జన్మదిన వేడుకలు
ముఖ్యాంశాలు:
సుండిపెంటలో ఉత్సాహంగా జన్మదిన సంబరాలు
ప్రజాప్రతినిధి ఆధ్వర్యంలో కేక్ కట్
భారీగా పాల్గొన్న పార్టీ శ్రేణులు, మహిళలు
మిత్రపక్షాల నేతలు, జనసేన కార్యకర్తల భాగస్వామ్యం
నంద్యాల జిల్లా, సుండిపెంట, ఏప్రిల్ 20 (ప్రజావాణి):
ఆంధ్రప్రదేశ్ రాష్ట్ర ముఖ్యమంత్రి నారా చంద్రబాబు నాయుడు 76వ జన్మదిన వేడుకలను శ్రీశైలం మండలంలోని సుండిపెంటలో తెలుగుదేశం పార్టీ శ్రేణులు ఘనంగా నిర్వహించాయి.
ఈ సందర్భంగా స్థానిక శాసనసభ్యుడు బుడ్డా రాజశేఖర్ రెడ్డి ఆధ్వర్యంలో కేక్ కట్ చేసి ముఖ్యమంత్రికి జన్మదిన శుభాకాంక్షలు తెలిపారు. కార్యక్రమంలో పార్టీ నాయకులు, బాధ్యులు, కార్యకర్తలు, మహిళలు భారీ సంఖ్యలో పాల్గొని ఉత్సాహంగా సంబరాలు జరుపుకున్నారు.
అలాగే మిత్రపక్షాల నాయకులు మరియు జనసేన పార్టీ కార్యకర్తలు కూడా ఈ వేడుకల్లో పాల్గొని కార్యక్రమాన్ని విజయవంతం చేశారు. ముఖ్యమంత్రి నాయకత్వంలో రాష్ట్రం మరింత అభివృద్ధి సాధించాలని పాల్గొన్న వారు ఆకాంక్షించారు.
