prajavaani.net
Newspaper Banner
Date of Publish : 22 November 2026, 10:49 am Digital Edition : MAHESH MEDCHAL

ఎల్లంపేట మున్సిపాలిటీలో 23వ వార్డులో సీసీ రోడ్లు, డ్రైనేజీ పనులకు శంకుస్థాపన

*ఎల్లంపేట మున్సిపాలిటీలో 23వ వార్డులో సీసీ రోడ్లు, డ్రైనేజీ పనులకు శంకుస్థాపన*

*వార్డు ప్రజలకు మెరుగైన మౌలిక సదుపాయాల కల్పనే లక్ష్యం*

మేడ్చల్: ఎల్లంపేట మున్సిపాలిటీ పరిధిలోని డబిల్‌పూర్‌లో 23వ వార్డులో నూతన సీసీ రోడ్లు, డ్రైనేజీ నిర్మాణ పనులకు శంకుస్థాపన కార్యక్రమం నిర్వహించారు. వార్డు కౌన్సిలర్ ఎండీ హరీఫ్ వార్డులో చేపట్టిన ఈ అభివృద్ధి పనులకు స్థానిక ప్రజాప్రతినిధులు శ్రీకారం చుట్టారు. ఎల్లంపేట మున్సిపల్ ప్రెసిడెంట్, కౌన్సిలర్ ఎర్రవల్లి విగ్నేశ్వర్ రెడ్డి, కౌన్సిలర్ సార ముత్యాలు గౌడ్ ప్రత్యేక చొరవతో చేపట్టిన ఈ పనుల కార్యక్రమంలో పీఎస్సీఎస్ డైరెక్టర్ మధుసూదన్ పాల్గొన్నారు. ఈ సందర్భంగా మాజీ సర్పంచ్ సంజీవరావు మాట్లాడుతూ, వార్డు ప్రజలకు మెరుగైన మౌలిక సదుపాయాలు కల్పించాలనే లక్ష్యంతో సీసీ రోడ్లు, డ్రైనేజీ నిర్మాణ పనులు చేపట్టడం అభినందనీయమన్నారు. ప్రజలు ఎదుర్కొంటున్న రహదారి సమస్యలు, డ్రైనేజీ ఇబ్బందులకు ఈ పనులు పరిష్కారం చూపుతాయని పేర్కొన్నారు. నూతన సీసీ రోడ్ల నిర్మాణంతో ప్రజల రాకపోకలు సులభతరం అవుతాయని, డ్రైనేజీ వ్యవస్థ మెరుగుపడటంతో పరిసరాల పరిశుభ్రతకు దోహదపడుతుందని తెలిపారు. వార్డు అభివృద్ధి, ప్రజా సంక్షేమమే ధ్యేయంగా స్థానిక ప్రజలకు అవసరమైన మౌలిక సదుపాయాలు కల్పించేందుకు కౌన్సిలర్ చేస్తున్న కృషిపై పలువురు హర్షం వ్యక్తం చేశారు. అభివృద్ధి పనులు పూర్తయితే వార్డు ప్రజలకు మెరుగైన రహదారులు, డ్రైనేజీ సదుపాయాలు అందుబాటులోకి వస్తాయని ఆశాభావం వ్యక్తం చేశారు. ఈ కార్యక్రమంలో కాంగ్రెస్ పార్టీ నాయకులు, కార్యకర్తలు, పార్టీ కుటుంబ సభ్యులు, కాలనీ నివాసులు తదితరులు పాల్గొన్నారు.