అడవిదేవులపల్లి
బదిలీపై వెళ్తున్న హోంగార్డుకు ఘన సన్మానం
ప్రజావాణి మిర్యాలగూడ నియోజకవర్గం నవంబర్ 21
అడవిదేవులపల్లి:
స్థానిక పోలీస్ స్టేషన్లో గత నాలుగు సంవత్సరాలుగా హోంగార్డుగా (H.G. No. 724) విధులు నిర్వహిస్తున్న పి. మల్లంజయ్య నల్గొండ ట్రాఫిక్ పోలీస్ స్టేషన్కు బదిలీ అయ్యారు. ఈ సందర్భంగా అడవిదేవులపల్లి పోలీస్ స్టేషన్ ఆధ్వర్యంలో ఆయనకు ఆత్మీయ వీడ్కోలు మరియు సన్మాన కార్యక్రమాన్ని నిర్వహించారు.
ఈ కార్యక్రమంలో ముఖ్య అతిథిగా పాల్గొన్న ఎస్సై వి. శేఖర్ మాట్లాడుతూ.. మల్లంజయ్య గత నాలుగేళ్లుగా స్టేషన్ పరిధిలో ఎంతో నిబద్ధతతో, క్రమశిక్షణతో విధులు నిర్వర్తించి మంచి పేరు తెచ్చుకున్నారని కొనియాడారు. అనంతరం శాలువా కప్పి, పూలమాలలతో ఆయన్ను ఘనంగా సన్మానించి, నూతన స్టేషన్లో కూడా ఇలాగే ఉత్తమ సేవలు అందించాలని ఆకాంక్షించారు.
ఈ కార్యక్రమంలో హెడ్ కానిస్టేబుల్ ప్రేమ్ సింగ్, స్టేషన్ రైటర్ మీరా, పోలీస్ సిబ్బంది హరి కుమార్, అఖిల్, లక్ష్మి, లాజర్, పూర్ణ తదితరులు పాల్గొని మల్లంజయ్యకు శుభాకాంక్షలు తెలిపారు.