గోన్య తండాలో అభివృద్ధి పనులకు శ్రీకారం
మహిళా సంఘాల వీవో, పంచాయతీ భవనాలు ప్రారంభించిన ఎమ్మెల్యే
ప్రారంభోత్సవం
ప్రజావాణి మిర్యాలగూడ నియోజకవర్గం నవంబర్ 20
అడవిదేవులపల్లి మండలంలోని గోన్య తండాలో నూతనంగా నిర్మించిన మహిళా సంఘాల వీవో భవనం, గ్రామ పంచాయతీ భవనాలను గురువారం మిర్యాలగూడ ఎమ్మెల్యే బత్తుల లక్ష్మారెడ్డి ప్రారంభించి ప్రజలకు అందుబాటులోకి తీసుకువచ్చారు.
ముఖ్య అంశాలు: మహిళా సంఘాల కార్యకలాపాలను మరింత సమర్థవంతంగా నిర్వహించుకోవడానికి వీవో భవనం ఉపయోగపడుతుందని ఎమ్మెల్యే తెలిపారు. గ్రామ పంచాయతీకి సొంత భవనం అందుబాటులోకి రావడంతో పరిపాలనా కార్యకలాపాలకు సౌకర్యంగా ఉంటుందని పేర్కొన్నారు.
ప్రభుత్వ ప్రాధాన్యత: గ్రామాల అభివృద్ధికి అవసరమైన మౌలిక సదుపాయాల కల్పనకు కాంగ్రెస్ ప్రభుత్వం ప్రాధాన్యత ఇస్తున్నట్లు వెల్లడించారు.
పాల్గొన్నవారు: ఈ కార్యక్రమంలో రాష్ట్ర కాంగ్రెస్ పార్టీ నాయకుడు స్టెల్లాబ్ నాయక్, బ్లాక్ కాంగ్రెస్ అధ్యక్షుడు పోదిలా శ్రీనివాస్, గ్రామ సర్పంచ్ పాతూలోతు లక్ష్మి, దేశ్య నాయక్, ఉల్చాయాపాలెం సర్పంచ్ మోతిలాల్, మండల కాంగ్రెస్ పార్టీ అధ్యక్షుడు రామావత్ బాలునాయక్, మండల కాంగ్రెస్ పార్టీ నాయకులు బండి నాగేశ్వరరావు, కొర్ర అశోక్, ఆయా గ్రామాల ప్రజాప్రతినిధులు, గ్రామ పంచాయతీ సిబ్బంది, మహిళా సంఘాల సభ్యులు, గ్రామ పెద్దలు, నాయకులు పాల్గొన్నారు.