వైఎస్సార్సీపీ అభ్యర్థి షేక్ సునీహను భారీ మెజార్టీతో గెలిపించండి: నల్లేరు విశ్వనాథ రెడ్డి పిలుపు
పోరుమామిళ్ల,కడప జిల్లా నవంబర్ 19ప్రజావాణి బద్వేల్ నియోజకవర్గంలోని ప్రముఖ మేజర్ గ్రామ పంచాయతీ అయిన పోరుమామిళ్లలో ఎన్నికల ప్రచారం ఊపందుకుంది.వైఎస్సార్ కాంగ్రెస్ పార్టీ బలపరిచిన సర్పంచ్ అభ్యర్థి శ్రీమతి షేక్ సునీహ విజయమే లక్ష్యంగా పార్టీ శ్రేణులు విస్తృతంగా రంగంలోకి దిగాయి.ఈ నేపథ్యంలో,బద్వేల్ నియోజకవర్గ వైఎస్సార్సీపీ అదనపు సమన్వయకర్త నల్లేరు విశ్వనాథ రెడ్డి ఆధ్వర్యంలో పోరుమామిళ్ల పట్టణంలో బుధవారం రాత్రి భారీ ఎత్తున ఇంటింటి ప్రచార కార్యక్రమం నిర్వహించారు.ఇంటింటి ప్రచారానికి అపూర్వ స్పందన:నల్లేరు విశ్వనాథ రెడ్డి స్థానిక వైఎస్సార్సీపీ ముఖ్య నాయకులు, కార్యకర్తలతో కలిసి పోరుమామిళ్లలోని శ్రీరామ్నగర్,స్టార్ స్కూల్ వీధి,జిన్నా నగర్, కొత్త వీధి,బంగ్లా రోడ్డు,శ్రీనివాస్ నగర్,శ్రీనివాస కాంప్లెక్స్,మరియు పాత పోస్ట్ ఆఫీస్ వీధుల్లో కాలినడకన పర్యటించారు.ప్రతి ఇంటికీ వెళ్తూ,అక్కడి స్థానిక ప్రజలను ఎంతో ఆప్యాయంగా పలకరిస్తూ వారి యోగక్షేమాలను అడిగి తెలుసుకున్నారు.పోరుమామిళ్ల అభివృద్ధిే ధ్యేయం: ఈ సందర్భంగా నల్లేరు విశ్వనాథ రెడ్డి మాట్లాడుతూ, పోరుమామిళ్ల మేజర్ పంచాయతీని అన్ని రంగాల్లో ముందంజలో ఉంచడమే వైఎస్సార్సీపీ ప్రధాన ధ్యేయమని స్పష్టం చేశారు.మూడు దశాబ్దాలుగా ఈ ప్రాంతంలో నిరంతరం ప్రజాసేవలో ఉంటూ,ప్రజల కష్టసుఖాల్లో భాగస్వాములైన షేక్ అన్వర్ భాష కుటుంబానికి వైఎస్సార్ కాంగ్రెస్ పార్టీ మొదటి నుండి ప్రాధాన్యత ఇస్తూ వస్తోందని గుర్తుచేశారు.ప్రజల ఆశయాలకు ప్రతిరూపంగా,గ్రామ సమగ్ర అభివృద్ధికి సరికొత్త సంకల్పంతో ముందుకు వస్తున్న శ్రీమతి షేక్ సునీహ ని ఓటర్లు ఆశీర్వదించాలని ఆయన కోరారు.పోరుమామిళ్ల భవిష్యత్తు మారాలన్నా,మౌలిక వసతులు మెరుగుపడాలన్నా వైఎస్సార్సీపీ అభ్యర్థి గెలుపు ఎంతో చారిత్రాత్మక అవసరమని పేర్కొంటూ.. రాబోయే ఎన్నికల్లో షేక్ సునీహ కి తమ అమూల్యమైన ఓటు వేసి అత్యధిక మెజార్టీతో గెలిపించాలని ఆయన ఓటర్లను చేతులు జోడించి అభ్యర్థించారు.ప్రజల్లో వెల్లువెత్తిన మద్దతు:ప్రచారంలో భాగంగా నల్లేరు విశ్వనాథ రెడ్డి కి, వైఎస్సార్సీపీ నాయకులకు స్థానిక మహిళలు హారతులు పట్టి ఘన స్వాగతం పలికారు.జగనన్న ప్రభుత్వ హయాంలో జరిగిన అభివృద్ధి,సంక్షేమ పథకాలను గుర్తుచేసుకుంటూ,గ్రామ ప్రగతి కోసం తామంతా వైఎస్సార్సీపీ అభ్యర్థి షేక్ సునీహ కే మద్దతు ఇస్తామని ప్రజలు చేశారు.ఈ భారీ ప్రచార కార్యక్రమంలో పోరుమామిళ్ల మండలానికి చెందిన వైఎస్సార్ కాంగ్రెస్ పార్టీ ముఖ్య నాయకులు,అనుబంధ సంఘాల ప్రతినిధులు,పెద్ద సంఖ్యలో కార్యకర్తలు,మహిళలు మరియు జగనన్న అభిమానులు పాల్గొని కార్యక్రమాన్ని విజయవంతం చేశారు. పట్టణమంతటా వైఎస్సార్సీపీ శ్రేణుల నినాదాలతో ఎన్నికల వాతావరణం మిన్నంటింది.