prajavaani.net
Newspaper Banner
Date of Publish : 19 November 2026, 8:15 pm Digital Edition : PRAJA VANI

శనిగరం గ్రామంలో లబ్ధిదారులకు పెన్షన్ పత్రాల పంపిణీ

శనిగరం గ్రామంలో లబ్ధిదారులకు పెన్షన్ పత్రాల పంపిణీ

ప్రజావాణి నవంబర్ 19

కమలాపూర్ మండలం శనిగరం గ్రామంలో అర్హులైన లబ్ధిదారులకు సర్పంచ్ కొత్తపల్లి రాజు పెన్షన్ పత్రాలను పంపిణీ చేశారు. గురువారం గ్రామ పంచాయతీ కార్యాలయ ఆవరణలో ఈ కార్యక్రమాన్ని నిర్వహించారు.

రాష్ట్ర ప్రభుత్వం చేపట్టిన నూతన పెన్షన్ల పంపిణీ కార్యక్రమంలో భాగంగా తెలంగాణ వ్యాప్తంగా బుధవారం లబ్ధిదారులకు పెన్షన్ పత్రాలు అందజేశారు. అయితే వివిధ కారణాలతో ఆరోజు పత్రాలు పొందలేకపోయిన శనిగరం గ్రామానికి చెందిన లబ్ధిదారులకు గురువారం ప్రత్యేకంగా పత్రాలను అందజేశారు.

ఈ సందర్భంగా సర్పంచ్ కొత్తపల్లి రాజు మాట్లాడుతూ గ్రామంలోని ఒంటరి మహిళలు, వితంతువులు, తలసేమియా బాధితులు, దివ్యాంగులు, గీత కార్మికులు తదితర అర్హులైన వారికి పెన్షన్ పత్రాలు అందించినట్లు తెలిపారు. అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా కృషి చేస్తానని పేర్కొన్నారు.

ఈ కార్యక్రమంలో గ్రామ పంచాయతీ కార్యదర్శి, ఉప సర్పంచ్, వార్డు సభ్యులు, పెన్షన్ లబ్ధిదారులు, గ్రామ ప్రజలు పాల్గొన్నారు.