prajavaani.net
Newspaper Banner
Date of Publish : 17 November 2026, 8:07 pm Digital Edition : PRAJA VANI

నిరుపేద కుటుంబానికి అండగా ఎమ్మెల్యే కొక్కిరాల ప్రేమ్ సాగర్ రావు

నిరుపేద కుటుంబానికి అండగా ఎమ్మెల్యే కొక్కిరాల ప్రేమ్ సాగర్ రావు
వైద్య చికిత్స కోసం ముఖ్యమంత్రి సహాయ నిధి నుంచి రూ.2.50 లక్షల ఆర్థిక సాయం
దండేపల్లి, నవంబర్ 17 (ప్రజావాణి ): అనారోగ్యంతో బాధపడుతూ హైదరాబాద్‌లోని నిజాం వైద్య విజ్ఞాన సంస్థ (నిమ్స్) ఆసుపత్రిలో చికిత్స పొందుతున్న మంచిర్యాల నియోజకవర్గం దండేపల్లి మండలం మామిడిపల్లి గ్రామానికి చెందిన దుమల్లా అమూల్య కుటుంబానికి ఎమ్మెల్యే కొక్కిరాల ప్రేమ్ సాగర్ రావు ఆర్థిక భరోసా కల్పించారు.
అమూల్య వైద్య చికిత్సకు అవసరమైన ఖర్చుల నిమిత్తం ముఖ్యమంత్రి సహాయ నిధి ద్వారా రూ.2 లక్షల 50 వేల ఆర్థిక సహాయం మంజూరు చేయించారు. ఇందుకు సంబంధించిన మంజూరు పత్రాన్ని అమూల్య కుటుంబ సభ్యులకు అందజేశారు.
ఆపద సమయంలో తమ కుటుంబానికి ఆర్థిక సహాయం అందించి అండగా నిలిచిన ఎమ్మెల్యే కొక్కిరాల ప్రేమ్ సాగర్ రావుకు అమూల్య కుటుంబ సభ్యులు కృతజ్ఞతలు తెలిపారు.